‘ദി സോപ്രാനോസ്’ താരം വിൻസെന്റ് പാസ്റ്റോർ അന്തരിച്ചു…
പ്രശസ്ത ഹോളിവുഡ് നടനും ടെലിവിഷൻ താരവുമായ വിൻസെന്റ് പാസ്റ്റോർ (80) അന്തരിച്ചു. ന്യൂയോർക്ക് ബ്രോങ്ക്സിലെ വസതിയിൽ ശനിയാഴ്ചയായിരുന്നു അന്ത്യം. 1946 ജൂലൈ 14-ന് ജനിച്ച വിൻസെന്റ് പാസ്റ്റോർ, അഭിനയരംഗത്തേക്ക് എത്തുന്നതിന് മുൻപ് യു.എസ്. നാവികസേനയിൽ സേവനമനുഷ്ഠിക്കുകയും വിയറ്റ്നാം യുദ്ധത്തിൽ പങ്കെടുക്കുകയും ചെയ്തിരുന്നു. പിന്നീട് നാടകപഠനത്തിൽ ബിരുദം നേടിയ അദ്ദേഹം സിനിമയിലേക്കും ടെലിവിഷൻ രംഗത്തേക്കും കടന്നു.
Goodfellas, Carlito’s Way എന്നീ ചിത്രങ്ങളിലൂടെ ശ്രദ്ധ നേടിയെങ്കിലും, The Sopranos എന്ന ജനപ്രിയ ടെലിവിഷൻ പരമ്പരയിലെ ‘ബിഗ് പുസി’ (Big Pussy) എന്ന കഥാപാത്രമാണ് അദ്ദേഹത്തെ ലോകമെമ്പാടുമുള്ള പ്രേക്ഷകർക്ക് സുപരിചിതനാക്കിയത്. പരമ്പരയിലെ കേന്ദ്രകഥാപാത്രമായ ടോണി സോപ്രാനോയുടെ വിശ്വസ്ത സുഹൃത്തിന്റെ വേഷം അദ്ദേഹം ശ്രദ്ധേയമായി അവതരിപ്പിച്ചിരുന്നു. കൂടാതെ, Donald Trump അവതാരകനായിരുന്ന ‘The Celebrity Apprentice’ എന്ന ടെലിവിഷൻ പരിപാടിയിലും വിൻസെന്റ് പങ്കെടുത്തിരുന്നു. ഹോളിവുഡ് സിനിമയിലും ടെലിവിഷൻ ലോകത്തും വ്യത്യസ്ത കഥാപാത്രങ്ങളിലൂടെ വ്യക്തിമുദ്ര പതിപ്പിച്ച വിൻസെന്റ് പാസ്റ്റോറിന്റെ വിയോഗത്തിൽ സിനിമാ ലോകം അനുശോചനം രേഖപ്പെടുത്തി.
