ശ്രീനാരായണ പബ്ലിക് സ്കൂളിന് നൂറുമേനി വിജയത്തിളക്കം

ചേങ്കോട്ടുകോണം: തിരുവനന്തപുരം ജില്ലയിൽ വീണ്ടും മികവിന്റെ മുദ്ര പതിപ്പിച്ച് ചേങ്കോട്ടുകോണം ശ്രീനാരായണ പബ്ലിക് സ്കൂൾ. ഈ വർഷത്തെ സിബിഎസ്ഇ പത്താം ക്ലാസ് പരീക്ഷയിൽ ശ്രദ്ധേയമായ നേട്ടമാണ് സ്കൂൾ കൈവരിച്ചത്. എ എസ് ദേവനന്ദ ( 98.6%), ആയിഷ നസ്രീൻ എ എച്ച് (97.6%) , കൈലാസ് കെ എസ് നായർ (96 .4 %) എന്നിവർ സ്കൂൾ ടോപ്പേഴ്സ് ആയി. ഇതോടൊപ്പം അയിഷ നസ്രീൻ എ. എച്ച് , സാറാ ഹുമയൂൺ എന്നിവർ ഇംഗ്ലീഷിലും, എ. എസ്. ദേവനന്ദ മലയാളത്തിലും, അയിഷ നസ്രീൻ എ. എച്ച് , എ. എസ്. ദേവനന്ദ, നസ്രീൻ സോഫിയ നെജി, നിവേദ്യ സുനിൽ, ശ്രീദേവിക എസ്. ഡി. , വൈഗ വി. ആർ എന്നിവർ ആർട്ടിഫിഷ്യൽ ഇൻറലിജൻസിലും 100% മാർക്കും കരസ്ഥമാക്കി. 100% വിജയത്തോടൊപ്പം 60% വിദ്യാർത്ഥികൾ 80 ശതമാനത്തിനും മുകളിലുള്ള മാർക്ക് നേടിയപ്പോൾ , ബാക്കി കുട്ടികൾ ഫസ്റ്റ് ക്ലാസിന് അർഹരായി. ഉന്നത വിജയം തുടർച്ചയായി നിലനിർത്തി ജില്ലയിലെ വിദ്യാഭ്യാസ മേഖലയിൽ മുൻനിരയിൽ തന്നെ സ്ഥാനം ഉറപ്പിച്ചിരിക്കുകയാണ് ശ്രീനാരായണ പബ്ലിക് സ്കൂൾ.
മികച്ച വിജയം സ്വന്തമാക്കിയ എല്ലാ വിദ്യാർത്ഥികളെയും മാനേജ്മെന്റും പ്രിൻസിപ്പലും അധ്യാപകരും അഭിനന്ദിച്ചു.