അമ്മായിയമ്മയുമായി തര്‍ക്കം…ഒരു വയസ്സുള്ള കുഞ്ഞിനെ കൊന്ന് വാട്ടര്‍ടാങ്കില്‍ ഉപേക്ഷിച്ചു…യുവതി…
താനെയില്‍ ഭര്‍തൃമാതാവുമായി തര്‍ക്കമുണ്ടായതിനു പിന്നാലെ, ഒരു വയസ്സുള്ള കുഞ്ഞിനെ കൊലപ്പെടുത്തിയ യുവതിയെ പോലീസ് അറസ്റ്റ് ചെയ്തു. വാട്ടര്‍ ടാങ്കില്‍ ഉപേക്ഷിച്ചനിലയിലാണു കുട്ടിയുടെ മൃതദേഹം കണ്ടെത്തിയത്. 2 വര്‍ഷം മുന്‍പായിരുന്നു വിവാഹം. ഭര്‍ത്താവ് സെക്യൂരിറ്റി ജീവനക്കാരനാണ്.
ജന്മനാ രോഗങ്ങളുണ്ടായിരുന്ന കുട്ടിയെ നോക്കുന്നതുമായി ബന്ധപ്പെട്ടു യുവതിയും ഭര്‍തൃമാതാവും തമ്മില്‍ വഴക്കു പതിവായിരുന്നു. കഴിഞ്ഞ ദിവസവും വാക്കേറ്റമുണ്ടായി. തുടര്‍ന്നു കൊലപാതകം നടത്തിയ യുവതി, കുട്ടിയെ കാണാനില്ലെന്ന് അറിയിച്ചു പോലീസില്‍ പരാതി നല്‍കുകയായിരുന്നു. എന്നാല്‍, യുവതിയുടെ പെരുമാറ്റത്തില്‍ സംശയം തോന്നിയ ഭര്‍ത്താവ് ചോദ്യം ചെയ്തതോടെ കുറ്റം സമ്മതിച്ചു.
