വ്യാപാര സ്ഥാപനത്തിൽ വൻ തീപിടിത്തം….കെട്ടിടത്തിനുള്ളിൽ കുടുങ്ങിയ രണ്ട് പേരെ രക്ഷപ്പെടുത്തി
കോട്ടയ്ക്കലില് വ്യാപാര സ്ഥാപനത്തില് വന് തീപിടിത്തം. ഫയര് ഫോഴ്സ് സംവിധാനങ്ങളെത്തി തീ അണയ്ക്കുന്നതിനുള്ള ശ്രമങ്ങള് തുടരുകയാണ്. പുലര്ച്ചെ 5.30നായിരുന്നു തീപിടിത്തമുണ്ടായത്. സാധനങ്ങള് വിലക്കുറവില് ലഭിക്കുന്ന സ്ഥാപനത്തിനാണ് തീപിടിച്ചത്.
താല്കാലികമായി ഉണ്ടാക്കിയ കടയായതിനാല് ഫ്ളക്സുകളും മറ്റും ഉപയോഗിച്ചായിരുന്നു നിര്മ്മാണം. ഇത് അപകടത്തിന്റെ ആഘാതം വർദ്ധിക്കാൻ കാരണമായി. തൊട്ടടുത്തുണ്ടായിരുന്ന ചെരുപ്പ് കടയിലേക്കും തീ വ്യാപിച്ചു. മറ്റ് സ്ഥലങ്ങളിലേക്ക് തീ പടരാതിരിക്കാനുളള കാര്യങ്ങളാണ് നാട്ടുകാരും ഫയർ ഫോഴ്സും ചേർന്ന് നടത്തുന്നത്.
