നാളികേര കർഷകർക്കുള്ള ധനസഹായം വർദ്ധിപ്പിച്ചു

നാളികേര കൃഷി വ്യാപിപ്പിക്കുക എന്ന ലക്ഷ്യത്തോടെ നാളികേര വികസന ബോർഡ് നടപ്പാക്കുന്ന തെങ്ങിന്റെ പുതുക്കൃഷി പദ്ധതിയിലെ ധനസഹായം വർധിപ്പിച്ചു. നേരത്തെ ഒരു തെങ്ങിൻ തൈയ്ക്ക് ഏകദേശം 40 രൂപ മാത്രമായിരുന്നു സബ്സിഡിയായി ലഭിച്ചിരുന്നത്. എന്നാൽ ഇനി മുതൽ ഒരു തൈയ്ക്ക് 350 രൂപ വരെ ധനസഹായം ലഭിക്കും. ശാസ്ത്രീയ രീതിയിൽ ഗുണമേന്മയുള്ള പുതിയ തെങ്ങിൻതൈകൾ നട്ട് നാളികേര ഉൽപ്പാദനം വർധിപ്പിക്കാനും കൃഷി വ്യാപിപ്പിക്കാനുമാണ് പദ്ധതിയിലൂടെ ലക്ഷ്യമിടുന്നത്.