നെടുമ്പാശേരി വിമാനത്താവളത്തിൽ നിന്ന് ഗൾഫിലേക്കുള്ള ആറ് സർവീസുകൾ ഇന്ന് റദ്ദാക്കി…
കൊച്ചി: സൗദിയിലെ ഹൂതി ആക്രമണത്തിന്റെ പശ്ചാത്തലത്തിൽ കൊച്ചി നെടുമ്പാശേരി വിമാനത്താവളത്തിൽ നിന്ന് ഇന്ന് ഗൾഫിലേക്കുള്ള ആറ് സർവീസുകൾ റദ്ദാക്കി. എയർ ഇന്ത്യ എക്സ്പ്രസ്, ആകാശ എയർ എന്നിവയുടെ രണ്ട് സർവീസുകളും ഫ്ലയ്നാസ്, ഇൻഡിഗോ എന്നിവയുടെ ഓരോ സർവീസുമാണ് റദ്ദാക്കിയത്. ഒക്ടോബർ 12ന് ഉള്ള ആകാശ ഏയറിന്റെ മൂന്ന് സർവീസുകൾ റദ്ദാക്കിയിട്ടുണ്ട്. യാത്രക്കാർ എയർപോർട്ടിലേക്ക് പുറപ്പെടുന്നതിനു മുമ്പ്, അതത് എയർലൈനുമായി ബന്ധപ്പെട്ട് വിവരങ്ങൾ ഉറപ്പാക്കണം എന്ന് സിയാൽ അധികൃതർ അറിയിച്ചു.
