ഇ ഡിക്കെതിരെ വിമര്ശനവുമായി പി എ മുഹമ്മദ് റിയാസ്….
സിഎംആര്എല്-എക്സാലോജിക് സാമ്പത്തിക ഇടപാടുമായി ബന്ധപ്പെട്ട് പുതിയ വിവരങ്ങള് പുറത്തുവന്ന പശ്ചാത്തലത്തില് ഇ ഡിക്കെതിരെ വിമര്ശനവുമായി പി എ മുഹമ്മദ് റിയാസ് എംഎല്എ. ബോധപൂര്വം മോശമാക്കാനുള്ള ശ്രമമാണ് നടക്കുന്നതെന്ന് മുഹമ്മദ് റിയാസ് പറഞ്ഞു. പ്രധാന തെളിവുകളായി കാണുന്നുണ്ടെങ്കില് വിവരങ്ങള് ഇ ഡി ഇങ്ങനെ പുറത്തുവിടുമോ എന്നും റിയാസ് ചോദിച്ചു. വിപുലീകൃത സംസ്ഥാന കമ്മിറ്റിയുടെ അവസാന ദിവസമാണിന്ന്.വൈകീട്ട് ലക്ഷങ്ങള് പങ്കെടുക്കുന്ന റാലി നടക്കുകയാണ്. തെളിവുകള് പുറത്തുവിടാന് എന്തിന് ഈ ദിവസം തന്നെ ഇ ഡി തെരഞ്ഞെടുത്തുവെന്നും റിയാസ് ചോദിച്ചു. കോഴിക്കോട് മാധ്യമങ്ങളോട് സംസാരിക്കുകയായിരുന്നു റിയാസ്.
