എഎ റഹീം എംപിയുടെ പേരും ചിത്രവും ഉപയോഗിച്ച് വ്യാജപ്രചാരണം…2 പേർക്കെതിരെ കേസെടുത്തു….
തിരുവനന്തപുരം: സിപിഎം നേതാവും രാജ്യസഭാ എംപിയുമായ എഎ റഹീമിന്റെ ചിത്രം ഉപയോഗിച്ച് സോഷ്യൽ മീഡിയയിൽ വ്യാജ വാർത്ത പ്രചരിപ്പിച്ച സംഭവത്തിൽ രണ്ടുപേർക്കെതിരെ തിരുവനന്തപുരം സിറ്റി സൈബർ ക്രൈം പോലീസ് കേസെടുത്തു. എംപിയുടെ പരാതിയുടെ അടിസ്ഥാനത്തിലാണ് നടപടി. ശ്രീകാന്ത് പള്ളിക്കത്തോട് (Sreekanth Pallickathode), റിയാസ് തത്തോത്ത് (Riyas Thathoth) എന്നീ ഫേസ്ബുക്ക് അക്കൗണ്ട് ഉടമകൾക്കെതിരെയാണ് കേസ് രജിസ്റ്റർ ചെയ്തിരിക്കുന്നത്. എഎ റഹീമിൻ്റെ ചിത്രം അനുമതിയില്ലാതെയും ദുരുദ്ദേശ്യപരമായും ഉപയോഗിച്ച് വ്യാജ സോഷ്യൽ മീഡിയ പോസ്റ്റുകൾ നിർമ്മിച്ചുവെന്നാണ് കേസ്.
