കോണ്ഗ്രസിലെ ‘മുഖ്യമന്ത്രി പോരി’ല് പ്രതികരണവുമായി റോബിന് രാധാകൃഷ്ണന്….
തിരഞ്ഞെടുപ്പ് ഫലം വന്നതിന് പിന്നാലെ ആരാവും യുഡിഎഫ് മുഖ്യമന്ത്രി എന്ന് അറിയാനുള്ള കാത്തിരിപ്പിലാണ് രാഷ്ട്രീയ കേരളം. എന്നാല് ആ പേര് തീരുമാനിക്കാന് കോണ്ഗ്രസിന് ഇതുവരെ സാധിച്ചിട്ടില്ല എന്നതാണ് യാഥാര്ഥ്യം. പാര്ട്ടി ഹൈക്കമാന്ഡ് പ്രതിനിധികള് ഇന്നലെ തിരുവനന്തപുരത്തെത്തി ഈ വിഷയത്തില് എംഎല്എമാരുടെ ഹിതപരിശോധന നടത്തിയിരുന്നു. പ്രഖ്യാപനം വൈകാതെ ഉണ്ടാവുമെന്നാണ് അവര് അറിയിച്ചിരിക്കുന്നത്.
വന് ഭൂരിപക്ഷത്തോടെ വിജയിച്ച യുഡിഎഫിനെ പ്രതിരോധത്തിലാക്കുന്ന കോണ്ഗ്രസ് നേതാക്കളുടെ പോരില് വിമര്ശനവും പരിഹാസവുമൊക്കെ സോഷ്യല് മീഡിയയില് ഉയരുന്നുണ്ട്. ഇപ്പോഴിതാ കോണ്ഗ്രസ് നേതാക്കളെ വിമര്ഷിച്ച് രംഗത്തെത്തിയിരിക്കുകയാണ് ബിഗ് ബോസ് മുന് താരവും നിയമസഭാ തിരഞ്ഞെടുപ്പില് കുണ്ടറയില് നിന്നുള്ള ബിജെപി സ്ഥാനാര്ഥിയുമായ റോബിന് രാധാകൃഷ്ണന്. സോഷ്യല് മീഡിയയിലൂടെയാണ് റോബിന്റെ പ്രതികരണം.
