അച്ഛൻ്റെ ചേട്ടനെ കാറിടിച്ച് കൊലപ്പെടുത്താന് ശ്രമിച്ച് യുവാവ്…കൊലപാതക ശ്രമത്തിനുള്ള കാരണം….
എറണാകുളം അയ്യപ്പന്കാവില് പിതൃസഹോദരനെ കാറിടിച്ച് കൊലപ്പെടുത്താന് ശ്രമിച്ച് യുവാവ്. കുടുംബ തര്ക്കമാണ് കാരണമെന്നാണ് സൂചന. സംഭവത്തില് 32 വയസുകാരനായ അഭിജിത്ത് പിടിയിലായി. സംഭവത്തിന്റെ സിസിടിവി ദൃശ്യങ്ങളും പുറത്തെത്തിയിട്ടുണ്ട്.
പെണ്സുഹൃത്തുമായുള്ള വിവാഹത്തെ വല്യച്ഛന് എതിര്ത്തതാണ് യുവാവിനെ ക്രൂരകൃത്യത്തിലേക്ക് നയിച്ചതെന്നാണ് സൂചന. വല്യച്ഛന് സ്കൂട്ടറില് പോകുമ്പോള് പട്ടാപ്പകല് അത്യാവശ്യം തിരക്കുള്ള റോഡില് വച്ച് അഭിജിത്ത് അദ്ദേഹത്തെ കാര് കൊണ്ടുവന്ന് പിന്നില് ഇടിക്കുകയായിരുന്നു.
വലിയ ആഘാതത്തോടെയാണ് യുവാവ് കാര് ഇടിപ്പിക്കുന്നത്. ഇതോടെ മധ്യവയസ്കന് സ്കൂട്ടറില് നിന്ന് തെറിച്ച് വീഴുന്നതും വിഡിയോയില് കാണാം. വിവാഹ മോചിതയായ പെണ്സുഹൃത്തിനെ കല്യാണം കഴിക്കണമെന്ന ആഗ്രഹം അഭിജിത്ത് വീട്ടില് പറഞ്ഞെങ്കിലും വല്യച്ഛന് വലിയ എതിര്പ്പ് ഉയര്ത്തുകയായിരുന്നു.
