തദ്ദേശ തിരഞ്ഞെടുപ്പിലെ യുഡിഎഫിന്റെ പ്രകടന പത്രിക പ്രകാശനം ചെയ്തു… നേതാക്കളുടെ വാഗ്ദാനങ്ങൾ ഇതൊക്കെ…

തദ്ദേശ തിരഞ്ഞെടുപ്പിലെ യുഡിഎഫിന്റെ പ്രകടന പത്രിക പ്രകാശനം ചെയ്തു. പ്രതിപക്ഷ നേതാവ് വിഡി സതീശൻ, കെപിസിസി പ്രസിഡന്റ് സണ്ണി ജോസഫ്, അടൂർ പ്രകാശ് തുടങ്ങിയവർ പ്രകടന പട്ടിക അവതരണത്തിന്റെ ഭാഗമായി. തെരുവുനായ ശല്യത്തിൽ നിന്ന് സംസ്ഥാനത്ത മുക്തമാക്കുമെന്നും സാംക്രമിക രോഗങ്ങൾ നിയന്ത്രിക്കാൻ പ്രത്യേക സ്ക്വാഡ് രൂപീകരിക്കുമെന്നും പ്രകടന പത്രിക അവതരിപ്പിച്ചുകൊണ്ട് പ്രതിപക്ഷ നേതാവ് പറഞ്ഞു.
വന്യജീവികളിൽ നിന്നും ജനങ്ങളെ സംരക്ഷിക്കുന്നതിന് പ്രാദേശിക സ്ഥാപനങ്ങൾക്ക് പ്രത്യേക അധികാരം നൽകും. ഇതുനുവേണ്ടി പ്രത്യേക സ്ക്വാഡിനെ രൂപീകരിക്കും. ദാരിദ്ര്യ നിർമാർജനത്തിന് ആശ്രയ 2 നടപ്പാക്കും. തദ്ദേശസ്ഥാപനങ്ങളിൽ പൊതു ഗതാഗത സംവിധാനം മെച്ചപ്പെടുത്തും, ഗ്രാമീണ റോഡുകളുടെ ഗുണനിലവാരം ഉറപ്പാക്കാൻ പ്രത്യേകം പദ്ധതി തയ്യാറാക്കും. കൂടാതെ എല്ലാവർക്കും പാർപ്പിടം ഉറപ്പാക്കുകയും യുവതലമുറയെ മയക്കുമരുന്നിൽ നിന്നും രക്ഷപെടുത്താൻ പ്രത്യേകം പദ്ധതി തയ്യാറാക്കുകയും ചെയ്യും എന്നിവയാണ് പ്രകടന പത്രികയിലെ പ്രധാന വാഗ്ദാനങ്ങൾ.

