സ്പീക്കര്ക്ക് പ്രതിപക്ഷ നേതാവിന്റെ കത്ത്…കത്തിൽ പറയുന്നത്…
അടിയന്തിര പ്രമേയത്തില് ഉള്പ്പെടെ എല്ലാ നിയമസഭാ നടപടിക്രമങ്ങളിലും പ്രതിപക്ഷത്തിന്റെ അവകാശങ്ങള് സംരക്ഷിക്കുന്ന നിഷ്പക്ഷ നിലപാട് സ്വീകരിക്കാന് സ്പീക്കര് തയാറാകണമെന്ന് ആവശ്യപ്പെട്ട് പ്രതിപക്ഷ നേതാവ് സ്പീക്കര്ക്ക് കത്തു നല്കി.
അടയന്തിര പ്രമേയ നോട്ടീസ് നല്കാനുള്ള പശ്ചാത്തലം വ്യക്തമാക്കുന്നതിന് മതിയായ സമയം അനുവദിക്കാതെ നിയമസഭ ചട്ടങ്ങള്ക്കും കീഴ്വഴക്കങ്ങള്ക്കും വിരുദ്ധമായി പ്രതിപക്ഷ നേതാവിന്റെ പ്രസംഗം വേഗത്തില് അവസാനിപ്പിക്കുന്ന തരത്തില് സ്പീക്കര് ഇടപെടുന്നത് ദൗര്ഭാഗ്യകരമാണെന്ന് കത്തില് പറയുന്നു. ഹേമ കമ്മിറ്റി റിപ്പോര്ട്ട് സംബന്ധിച്ച ചോദ്യങ്ങള്ക്ക് മറുപടി നല്കിയിട്ടും അതേ വിഷയത്തില് അടിയന്തിര പ്രമേയത്തിന് നോട്ടീസ് നല്കിയപ്പോള് അംഗങ്ങളുടെ പേര് പോലും പരാമര്ശിക്കാതെ പ്രമേയം തള്ളിയ സ്പീക്കറുടെ നടപടി ആശങ്കയുണ്ടാക്കുന്നതാണെന്നും പ്രതിപക്ഷ നേതാവ് കത്തില് ചൂണ്ടിക്കാട്ടി.
