ടാറ്റ ഇൻസ്റ്റിറ്റ്യൂട്ടിൽ അവസരം; മാസ്റ്റർ ഡിഗ്രി യോഗ്യത, 75,000 രൂപ മാസം ശമ്പളം, അവസാന തീയതി മെയ് 07

ടാറ്റ ഇൻസ്റ്റിറ്റ്യൂട്ട് ഓഫ് സോഷ്യൽ സയൻസസ് (TISS) ഡാറ്റ മാനേജർ തസ്തികയിൽ നിയമനം നടത്തുന്നു. ബിരുദാനന്തര ബിരുദം യോഗ്യതയുള്ളവർക്കാണ് അവസരം. നിയമനം ലഭിക്കുന്നവർക്ക് പ്രതിമാസം 75,000 രൂപ ശമ്പളം ലഭിക്കും. അപേക്ഷകൾ സമർപ്പിക്കേണ്ട അവസാന തീയതി മെയ് 07.

യോഗ്യതാ മാനദണ്ഡങ്ങൾ

• ഡാറ്റ സയൻസ്, സ്റ്റാറ്റിസ്റ്റിക്സ്, കംപ്യുട്ടർ സയൻസ് അല്ലെങ്കിൽ ഇൻഫർമേഷൻ സിസ്റ്റംസ് മേഖലയിൽ മാസ്റ്റേഴ്സ് ഡിഗ്രി (മുൻഗണന).
• ഡാറ്റ സംബന്ധമായ കഴിവുകൾ തെളിയിക്കാനാകുന്ന ഏതെങ്കിലും പോസ്റ്റ് ഗ്രാജുവേറ്റ് ഡിഗ്രി.
• ഡാറ്റ വിഷ്വലൈസേഷൻ ടൂളുകൾ (Tableau, Power BI മുതലായവ) ഉപയോഗിക്കുന്നതിലുള്ള പ്രവൃത്തിപരിചയം.

• ഉന്നത വിദ്യാഭ്യാസ സ്ഥാപനങ്ങളിൽ കുറഞ്ഞത് 2–3 വർഷത്തെ പ്രവൃത്തിപരിചയം നിർബന്ധമാണ്.
• ക്വാളിറ്റി അഷ്വറൻസ്, ഇൻസ്റ്റിറ്റ്യൂഷണൽ റിസർച്ച്, IQAC അല്ലെങ്കിൽ അക്കാദമിക് അഡ്മിനിസ്ട്രേഷൻ മേഖലകളിൽ പരിചയം ഉള്ളവർക്ക് മുൻഗണന നൽകും.
• യൂണിവേഴ്സിറ്റി ഡാറ്റ സംവിധാനങ്ങളും റാങ്കിംഗ് ഫ്രെയിംവർക്കുകളും സംബന്ധിച്ച അറിവ് ആവശ്യമാണ്.

നിയമന വ്യവസ്ഥകൾ (Terms of Engagement)

• കരാർ കാലാവധി: ജോലിയിൽ പ്രവേശിക്കുന്ന തീയതി മുതൽ 12 മാസം.
• ഉദ്യോഗാർഥിയുടെ പ്രകടനം വിലയിരുത്തി കാലാവധി നീട്ടി നൽകും.
• ശമ്പളം: പ്രതിമാസം ₹75,000 (എല്ലാ ആനുകൂല്യങ്ങളും ഉൾപ്പെടെ).
• ജോലി സ്ഥലം: TISS മുംബൈ (ദിയോനാർ ക്യാമ്പസ്); ആവശ്യാനുസരണം മറ്റു TISS ക്യാമ്പസുകളിലേക്ക് യാത്ര ചെയ്യേണ്ടിവരും.
• ജോലി ദിവസങ്ങൾ: തിങ്കൾ മുതൽ ശനി വരെ.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://tiss.ac.in/uploads/files/Advt_Data_Manager_IQAC_23.04.2026.pdf