‘ഇ ഡി ഉദ്യോഗസ്ഥർക്ക് നേരെ നടന്നത് ആസൂത്രണത്തോടെയുള്ള രാഷ്ട്രീയ ആക്രമണം… 5 പ്രതികളുടെ ജാമ്യാപേക്ഷ തള്ളി കോടതി…
തിരുവനന്തപുരം: ഇ ഡി ഉദ്യോഗസ്ഥരെ ആക്രമിച്ച കേസ് ആസൂത്രണത്തോടെയുള്ള രാഷ്ട്രീയ ആക്രമണമെന്ന് കോടതി. ഭരണഘടനാ സ്ഥാപനത്തിന് നേരെയുള്ള വെല്ലുവിളിയാണിതെന്നും കോടതി നിരീക്ഷിച്ചു. ജാമ്യാപേക്ഷകള് തള്ളിക്കൊണ്ടുള്ള ഉത്തരവിലാണ് തിരുവനന്തപുരം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയുടെ നിരീക്ഷണം.
ആക്രമിക്കപ്പെട്ട വാഹനം പൊതുമുതല് തന്നെയാണ്. പൊതുമുതല് നശിപ്പിച്ചില്ലെന്ന വാദം നിലനില്ക്കില്ല. ഡ്യൂട്ടിയില് ഉണ്ടായിരുന്ന സമയത്ത് തന്നെയാണ് ആക്രമണം ഉണ്ടായത്. ആക്രമണം ഉദ്യോഗസ്ഥര്ക്ക് ഭീതിയും മാനസികാഘാതവും ഉണ്ടാക്കിയെന്നും സമൂഹത്തെ നേരിട്ട് ബാധിക്കുന്ന അപൂര്വമായ സംഭവമാണിതെന്നും കോടതി വിലയിരുത്തി.
