‘ആരും ചതിയിൽപ്പെടരുത്’; നിയമനടപടിക്കൊരുങ്ങി അജു വർഗീസ്

തന്റെ അനുമതിയില്ലാതെ ഒരു ലോൺ ആപ്പിന്റെ പരസ്യത്തിൽ ചിത്രം ഉപയോഗിച്ചതിനെതിരെ നടൻ അജു വർഗീസ് രംഗത്ത്. ഇത്തരം തട്ടിപ്പുകളിൽ ആരും വീഴരുതെന്ന് താരം മുന്നറിയിപ്പ് നൽകുന്നു. കേരളത്തിൽ എവിടെയും മൂന്നു ലക്ഷം രൂപ വരെ വായ്പ നൽകുമെന്ന വ്യാജ വാഗ്ദാനത്തോടെ അജുവിന്റെ ചിത്രമുപയോഗിച്ചാണ് ഫേസ്‌ബുക്കിൽ പരസ്യം പ്രചരിച്ചത്.

പരസ്യത്തിൽ ഫോൺ നമ്പറോ വെബ്‌സൈറ്റോ ഓഫീസ് വിലാസമോ ഉണ്ടായിരുന്നില്ല. പകരം, വായ്പ ലഭിക്കുന്നതിന് താൽപ്പര്യമുള്ള വ്യക്തികളോട് സോഷ്യൽ മീഡിയ അക്കൗണ്ടുകൾ വഴി വ്യക്തിഗത സന്ദേശങ്ങൾ അയയ്ക്കാൻ ആവശ്യപ്പെടുകയാണ്. അജു വർഗീസ് പരാതി നൽകിയിട്ടില്ലെങ്കിലും, പോസ്റ്റർ പ്രചരിപ്പിച്ച സ്ഥാപനത്തെക്കുറിച്ച് പ്രാഥമിക അന്വേഷണം നടത്തുമെന്നും അനധികൃത സാമ്പത്തിക പ്രവർത്തനങ്ങളിൽ ഏർപ്പെട്ടിട്ടുണ്ടോ എന്ന് പരിശോധിക്കുമെന്നും കേരള പോലീസിന്റെ സൈബർഡോമിലെ ഉദ്യോഗസ്ഥർ പറഞ്ഞു.

കേസ് രജിസ്റ്റർ ചെയ്യാനും വിശദമായ അന്വേഷണം ആരംഭിക്കാനും കഴിയുന്ന തരത്തിൽ പരാതി നൽകാൻ ഉപദേശിക്കാൻ പോലീസ് അജു വർഗീസിനെ ബന്ധപ്പെടുമെന്ന് ഉദ്യോഗസ്ഥർ പറഞ്ഞതായി പി.ടി.ഐ. റിപ്പോർട്ട് ചെയ്യുന്നു.

അതേസമയം, ‘വാഴ 2’ എന്ന ചിത്രത്തിലാണ് അജു വർഗീസ് അഭിനയിച്ചതിൽ പുതിയതായി റിലീസ് ആയ ചിത്രം. ഇതിലെ അധ്യാപകന്റെ വേഷം പ്രശംസ പിടിച്ചുപറ്റി. പ്രധാനമായും പുതുമുഖങ്ങളെ കേന്ദ്രകഥാപാത്രങ്ങളായി അവതരിപ്പിച്ച ചിത്രം ആഗോളതലത്തിൽ 200 കോടി രൂപ കളക്ഷൻ നേടുകയും ചെയ്തു.