അപകടത്തിൽ പേരക്കുട്ടി മരിച്ചു…വിയോഗം താങ്ങാനാകാതെ മുത്തച്ഛൻ ഹൃദയാഘാതം മൂലം മരിച്ചു…
പ്രിയപ്പെട്ട പേരക്കുട്ടിയുടെ അപ്രതീക്ഷിത വിയോഗവാര്ത്ത കേട്ടതിന് പിന്നാലെ മുത്തച്ഛനും ഈ ലോകത്തോടു വിടവാങ്ങി. തിരൂര് മംഗലം എന്.ഒ.സി പടിയില് ബസ് അപകടത്തില് മരിച്ച അന്വറിന്റെ മകന് മുഹമ്മദ് റിഹാന്റെ (10) മരണവാര്ത്തയറിഞ്ഞ ആഘാതത്തിലാണ് വല്യുപ്പ ഹനീഫ (84) ഹൃദയാഘാതം മൂലം മരിച്ചത്. പെരുന്തിരുത്തി പഴയ ജുമാ മസ്ജിദ് പ്രസിഡന്റായിരുന്നു ഹനീഫ. മണിക്കൂറുകളുടെ വ്യത്യാസത്തില് നടന്ന ഈ ഇരട്ട മരണം നാടിനെയാകെ കണ്ണീരിലാഴ്ത്തിയിരിക്കുകയാണ്. എന്.ഒ.സി പടി പള്ളിക്ക് സമീപം വെച്ചായിരുന്നു മുഹമ്മദ് റിഹാന് അപകടത്തില്പ്പെട്ടത്.
