നിതിന് രാജിന്റെ മരണം… ഡോ. എം കെ റാമിന്റെ ക്ലിനിക് പൂട്ടിച്ച് ഡിവൈഎഫ്ഐ…
നിതിന് രാജിന്റെ മരണത്തിന് പിന്നാലെ, ആരോപണവിധേയനായ ഡോക്ടര് എം കെ റാമിന്റെ ക്ലിനിക് പൂട്ടിച്ച് ഡിവൈഎഫ്ഐ. കണ്ണൂര് ചിറക്കുനിയിലെ ക്ലിനിക്കാണ് പൂട്ടിച്ചത്. ക്ലിനിക് താഴിട്ട് പൂട്ടിയ ശേഷം അംബേദ്കര് ചിത്രവും പ്രവര്ത്തകര് സ്ഥാപിച്ചു.കുറ്റക്കാര്ക്കെതിരെ കര്ശനനടപടി വേണമെന്ന് ആവശ്യത്തില് പ്രതിഷേധം കടുപ്പിക്കുകയാണ് വിദ്യാര്ത്ഥി സംഘടനകള്.
അതിനിടെ നിതിന്റെ മരണത്തിന് പിന്നാലെ വിദ്യാര്ത്ഥികളെ നിരീക്ഷിക്കുകയാണ് അഞ്ചരക്കണ്ടി ദന്തല് കോളജ് അധികൃതര്. പ്രതിഷേധിക്കുന്ന വിദ്യാര്ത്ഥികളെ ക്യാമറാസംഘത്തെ നിയോഗിച്ചാണ് നിരീക്ഷിക്കുന്നത്. തങ്ങളെ നിരീക്ഷിക്കാന് മാനേജ്മെന്റ് ആളെ വച്ചെന്ന് വിദ്യാര്ത്ഥികളും വ്യക്തമാക്കി.ഫോട്ടോയും ദൃശ്യങ്ങളും പകര്ത്തിയെന്നും കരിയര് ഇല്ലാതാക്കുമെന്ന് ഭയമുണ്ടെന്നും വിദ്യാര്ത്ഥികളും പറയുന്നു.
