കൊച്ചിയില് ഡിജെ പാര്ട്ടികള്ക്ക് നിയന്ത്രണം…
കൊച്ചി: കൊച്ചിയില് ഡിജെ പാര്ട്ടികള്ക്ക് നിയന്ത്രണമേര്പ്പെടുത്തി പൊലീസ്. രാത്രി പതിനൊന്ന് മണിക്ക് തന്നെ ഡിജെ പാര്ട്ടികള് അവസാനിപ്പിക്കണമെന്ന് എറണാകുളം സെന്ട്രല് എസിപി നിര്ദേശം നല്കി. ബാറുകള് സര്ക്കാര് അനുശാസിക്കുന്നതുപോലെ പന്ത്രണ്ട് മണിക്ക് തന്നെ അടയ്ക്കണമമെന്നും നോട്ടീസില് പറയുന്നു.
രാത്രി പതിനൊന്നുമണിക്ക് മുന്പായി തന്നെ ഡിജെ പാര്ട്ടികള് അവസാനിപ്പിക്കമെന്നാണ് നിലവിലെ നിയമം. പലപ്പോഴും ഇത്തരം ആഘോഷങ്ങള് പുലര്ച്ചെ വരെ നീളാറുണ്ട്. ഇത്തരം പരിപാടികള്ക്കിടെ ലഹരിമരുന്നുകള് പിടികൂടുന്നതും വ്യാപകമായി. ഇത് സംബന്ധിച്ച് നിരവധി പരാതികള് പൊലീസ് ലഭിച്ച സാഹചര്യത്തിലാണ് പുതിയ തീരുമാനം.
