ബസും സ്കൂട്ടറും കൂട്ടിയിടിച്ച് അപകടം…. ജില്ലാ ആശുപത്രിയിലെ ജീവനക്കാരന് മരിച്ചു
പെരിന്തല്മണ്ണ ജില്ലാ ആശുപത്രിയിലെ ബ്ലഡ് ബാങ്ക് ടെക്നീഷ്യന് വാഹനാപകടത്തില് മരിച്ചു. കുളക്കാട്ടുകുര്ശി ചുള്ളിയോട്ടില് നാരായണന്കുട്ടിയുടെ മകന് ശ്രീരാഗ് (23) ആണ് മരിച്ചത്.പെരിന്തല്മണ്ണ – ഏലംകുളം റോഡില് പെരുമ്പാറ അടിവാരത്ത് വെച്ച് സ്വകാര്യ ബസും ശ്രീരാഗ് സഞ്ചരിച്ച സ്കൂട്ടറും തമ്മില് കൂട്ടിയിടിച്ചായിരുന്നു അപകടം. രാവിലെ ജോലി സ്ഥലത്തേക്ക് പോകുന്നതിനിടെയാണ് അപകടമുണ്ടായത്. ഗുരുതരമായി പരിക്കേറ്റ ശ്രീരാഗിനെ ഉടന് തന്നെ പെരിന്തല്മണ്ണയിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുനല്കും.
