മന്ത്രി ഷാജി ബൾഗേറിയയിൽ നിന്നും 26ന് തിരിച്ചെത്തും; ഇനിയുള്ള യാത്ര ..
തിരുവനന്തപുരം: മന്ത്രി കെ.എം. ഷാജിയുടെ കാർ ഉപയോഗവുമായി ബന്ധപ്പെട്ട വിവാദം തുടരുന്നതിനിടെ മന്ത്രി വിദേശയാത്ര കഴിഞ്ഞ് സെപ്റ്റംബർ 26ന് തിരുവനന്തപുരത്ത് തിരിച്ചെത്തും. നിലവിൽ ബൾഗേറിയയിലാണ് മന്ത്രിയെന്നാണ് അദ്ദേഹത്തോട് അടുത്ത വൃത്തങ്ങൾ വ്യക്തമാക്കുന്നത്. തിരിച്ചെത്തിയ ശേഷം സർക്കാർ വാഹനം തന്നെയാകും മന്ത്രി ഉപയോഗിക്കുക.
സുഹൃത്തിന്റെ റേഞ്ച് റോവർ കാർ സർക്കാർ ബോർഡും ഔദ്യോഗിക നമ്പറും ഉപയോഗിച്ച് മന്ത്രി യാത്ര ചെയ്തതാണ് വിവാദമായത്. സർക്കാർ അനുമതിയോടെയാണ് വാഹനത്തിൽ ബോർഡ് സ്ഥാപിച്ചതെന്നായിരുന്നു മന്ത്രിയുടെ വിശദീകരണം. എന്നാൽ ഒരു യാത്രയ്ക്കു മാത്രമാണ് അനുമതി നൽകിയിരുന്നതെന്ന് പിന്നീട് വ്യക്തമായതോടെയാണ് വിവാദം ശക്തമായത്.
