ഭാര്യയുടെ സ്വകാര്യ ദൃശ്യങ്ങള് വിറ്റ സംഭവം….പ്രതി മകളുടെ ദൃശ്യങ്ങളും പകര്ത്തി…
കൊല്ലം: കൊല്ലത്ത് ഭാര്യയുടെ സ്വകാര്യ ദൃശ്യങ്ങള് ചിത്രീകരിച്ച് ഭര്ത്താവ് വിറ്റെന്ന പരാതിയില് ഞെട്ടിക്കുന്ന വെളിപ്പെടുത്തല്. നാലു വയസ്സുകാരി മകളുടെ ദൃശ്യങ്ങളും പകര്ത്തി എന്നാണ് പരാതിക്കാരി നല്കിയിരിക്കുന്ന മൊഴി. ഒന്നിലധികം ആളുകളുമായി കിടക്ക പങ്കിടാന് ഭര്ത്താവ് നിര്ബന്ധിച്ചു എന്നും പരാതിക്കാരി പറയുന്നു.
കൊല്ലത്തെ വിവാദ പങ്കാളി കൈമാറ്റ ദമ്പതികളുമായും ഭര്ത്താവിന് ബന്ധം ഉണ്ടെന്നാണ് വിവരം. ഇതിനിടെ പരാതിക്കാരി ഭര്ത്താവായ പ്രതിക്കെതിരെ വിവാഹമോചന ഹര്ജി നല്കി. നാട്ടിലും വിദേശത്തുമായി കിടപ്പറ ദൃശ്യങ്ങള് ചിത്രീകരിച്ചെന്നാണ് പരാതിക്കാരി വെളിപ്പെടുത്തിയിരിക്കുന്നത്. ചിത്രീകരണം തടഞ്ഞപ്പോള് ക്രൂരമായി മര്ദ്ദിച്ചെന്നും യുവതി പറയുന്നു. ഭര്ത്താവിന് പല സംഘങ്ങളുമായി ബന്ധം ഉണ്ടെന്നും മറ്റു സ്ത്രീകളോടും പുരുഷന്മാരോടും അടുപ്പമുണ്ടെന്നും യുവതി വെളിപ്പെടുത്തിയിട്ടുണ്ട്.
