ജോലിക്ക് പോകാൻ പറഞ്ഞത് ഇഷ്ടപ്പെട്ടില്ല; ആറുമാസം ഗർഭിണിയായ ഭാര്യയെ ഭർത്താവ് കൊലപ്പെടുത്തി
ജോലിക്ക് പോകാൻ പറഞ്ഞതിന് ഗർഭിണിയായ ഭാര്യയെ ഭർത്താവ് കൊലപ്പെടുത്തി. ഹരിയാനയിലെ ഫരീദാബാദ് പഞ്ച്ശീൽ കോളനിയിൽ താമസിക്കുന്ന നേഹാ കുമാരി(26)യാണ് കൊല്ലപ്പെട്ടത്. ഭർത്താവായ അമിത് ഗുപ്തയാണ് യുവതിയെ കൊലപ്പെടുത്തിയതെന്ന് പൊലീസ് പറഞ്ഞു. ഒളിവിൽപോയ ഇയാൾക്കായി തിരച്ചിൽ തുടരുകയാണെന്നും പൊലീസ് അറിയിച്ചു. ആറുമാസം ഗർഭിണിയായ നേഹാ കുമാരിയെ ബുധനാഴ്ചയാണ് വാടകവീട്ടിലെ കുളിമുറിയിൽ മരിച്ചനിലയിൽ കണ്ടെത്തിയത്.
2025 ഏപ്രിലിലാണ് നേഹയും അമിത് ഗുപ്തയും വിവാഹിതരായത്. വിവാഹത്തിന് പിന്നാലെ ദമ്പതിമാർ വാടകവീട്ടിലേക്ക് മാറി. ഫരീദാബാദിലെ ഒരു സ്വകാര്യ സ്ഥാപനത്തിലായിരുന്നു അമിത് ഗുപ്തയുടെ ജോലി. എന്നാൽ, ഇടയ്ക്കിടെ ജോലിക്ക് പോകാതിരിക്കുന്നത് ഇയാളുടെ പതിവായിരുന്നു. ഇതേച്ചൊല്ലി നേഹാ കുമാരിയും അമിത് ഗുപ്തയും തമ്മിൽ വഴക്കും പതിവായിരുന്നു.
