ചെറുമക്കളെ ശല്യം ചെയ്തു….പൊലീസിനെ സമീപിച്ച് 65കാരൻ….പിന്നാലെ….

കൊല്ലം: ചെറുമക്കളെ ശല്യം ചെയ്തതിന് പൊലീസിൽ പരാതി നൽകിയ പ്രതികാരത്തിൽ 65കാരനെ ചുറ്റികകൊണ്ട് തലയ്ക്കടിച്ചു കൊലപ്പെടുത്താൻ ശ്രമിച്ച സംഭവത്തിൽ രണ്ടുപേർ പിടിയിൽ. കുളത്തുപ്പുഴ സ്വദേശി വേണുനാഥൻ പിള്ളയെയാണ് തെന്മല ഒറ്റക്കൽ സ്വദേശികളായ സനൽ, രാജേഷ് എന്നിവർ ചേർന്ന് ക്രൂരമായി മർദിച്ച് കൊലപ്പെടുത്താൻ ശ്രമിച്ചത്. കഴിഞ്ഞ ദിവസം വൈകിട്ട് നാലുമണിയോടെ തെന്മലയിലാണ് സംഭവം.

കഴിഞ്ഞ കുറേ നാളുകളായി ഒറ്റക്കൽ റെയിൽവേ സ്റ്റേഷന് സമീപ മകളുടെ വീട്ടിൽ താമസിച്ചുവരികയാണ് വേണുനാഥൻ പിള്ള. ഇന്നലെ വൈകിട്ട് തെന്മലയിൽ കടയിൽ ചായ കുടിച്ചു കൊണ്ടിരിക്കുകയായിരുന്ന ഇദ്ദേഹത്തെ മദ്യലഹരിയിൽ ചുറ്റികയുമായി എത്തി പ്രതികൾ മർദിക്കുകയായിരുന്നു.