വിദ്യാര്ത്ഥി സ്കൂളില് വാറ്റ് ചാരായം കൊണ്ടുവരുന്നത് മൂന്നാം തവണ….
താമരശ്ശേരിയില് സ്കൂള് വിദ്യാര്ത്ഥിയുടെ വാട്ടര്ബോട്ടിലില് വാറ്റ് ചാരായം കണ്ടെത്തിയ സംഭവത്തില് പൊലീസ് കൂടുതല് കണ്ടെത്തലിലേക്ക്. പത്താം ക്ലാസ് വിദ്യാര്ത്ഥികളെ ചോദ്യം ചെയ്തപ്പോഴാണ് കൂടുതല് വിവരങ്ങള് പുറത്ത് വന്നത്. വിദ്യാര്ത്ഥി സ്കൂളിലേക്ക് വാറ്റ് ചാരായം എത്തിക്കുന്നത് മൂന്നാം തവണയെന്നാണ് വെളിപ്പെടുത്തല്.
സഹപാഠികള്ക്ക് നല്കാനാണ് സ്കൂളില് മദ്യം എത്തിക്കുന്നത്. ഉച്ചഭക്ഷണ സമയത്താണ് വിദ്യാര്ത്ഥികള് മദ്യം ഉപയോഗിക്കുന്നതെന്ന് പിടിഎ പ്രസിഡന്റ് പ്രതികരിച്ചു. കൂടുതല് വിദ്യാര്ത്ഥികള്ക്ക് മദ്യം നല്കാന് ശ്രമുണ്ടായെന്നും വെളിപ്പെടുത്തലുണ്ട്. മദ്യം കഴിക്കാത്ത വിദ്യാര്ത്ഥികളാണ് സംഭവം വെളിപ്പെടുത്തിയതെന്നും പിടിഎ പ്രസിഡന്റ് പറയുന്നു. സംഭവത്തില് അബ്കാരി ആക്ട് പ്രകാരമാണ് പൊലീസ് കേസ് എടുത്തത്. കേസില് മുഖ്യപ്രതിയായ രണ്ടാനച്ഛനെതിരെ കൂടുതല് വകുപ്പുകള് ചുമത്തുമെന്നും പൊലീസ് അറിയിച്ചു.
