അമേരിക്ക- ഇറാന് സമാധാന കരാര് പ്രഖ്യാപിച്ചു…..സൈനിക നടപടികള് അവസാനിപ്പിച്ചു….
അമേരിക്കയും ഇറാനും തമ്മില് സമാധാന കരാറിലെത്തിയതായി പാകിസ്ഥാന് പ്രധാനമന്ത്രി ഷെഹ്ബാസ് ഷെരീഫ്. ലബനന് ഉള്പ്പെടെയുള്ള എല്ലാ യുദ്ധമുഖങ്ങളിലും സൈനിക നടപടികള് ഉടനടി സ്ഥിരമായി അവസാനിപ്പിക്കാന് ഇരുപക്ഷവും സമ്മതിച്ചതായും അദ്ദേഹം പറഞ്ഞു. ജൂണ് 19ന് ഇത് സംബന്ധിച്ച ഔദ്യോഗിക കരാറില് ഒപ്പുവെക്കുമെന്നും ഷെഹ്ബാസ് ഷെരീഫ് എക്സില് കുറിച്ചു.
സ്വിറ്റ്സര്ലന്ഡില് വച്ചാണ് കരാറില് ഒപ്പുവയ്ക്കുക. കരാറിന്റെ അന്തിമ രൂപരേഖ തയ്യാറാക്കാനായി ഇരുവിഭാഗത്തിലെയും മധ്യസ്ഥര് പങ്കെടുക്കുന്ന നിര്ണായക യോഗങ്ങള് ഈ ആഴ്ച നടക്കും. അമേരിക്കയ്ക്കും ഇറാനും ഷെഹ്ബാസ് ഷെരീഫ് നന്ദി അറിയിച്ചു. ചര്ച്ചകള് വിജയകരമാക്കാന് പിന്തുണ നല്കിയ ഖത്തറിനും, കരാര് യാഥാര്ഥ്യമാക്കുന്നതില് നിര്ണായക സംഭാവനകള് നല്കിയ സൗദി അറേബ്യ, തുര്ക്കി എന്നീ രാജ്യങ്ങളുടെ നേതൃത്വത്തിനും അദ്ദേഹം നന്ദി അറിയിച്ചു.
