പ്രധാനമന്ത്രി-മുഖ്യമന്ത്രി കൂടിക്കാഴ്ചയ്ക്ക് തൊട്ടുപിന്നാലെ റെയ്ഡ്…. “ഞങ്ങൾക്ക് പുല്ലാണ് ഈ നീക്കം, ജനലക്ഷങ്ങൾ തെരുവിൽ നേരിടും”…… എൻ.എൻ കൃഷ്ണദാസ്

തിരുവനന്തപുരം: സിഎംആർഎൽ-എക്സാലോജിക് സാമ്പത്തിക ഇടപാട് കേസിൽ പ്രതിപക്ഷ നേതാവ് പിണറായി വിജയന്റെ വസതിയിൽ എൻഫോഴ്‌സ്‌മെന്റ് ഡയറക്ടറേറ്റ് നടത്തുന്ന അപ്രതീക്ഷിത റെയ്ഡിനെതിരെ സംസ്ഥാന വ്യാപകമായി കടുത്ത പ്രതിഷേധവുമായി സിപിഐഎം. ഇഡി നടപടി അങ്ങേയറ്റം നീചമാണെന്നും ഇതിന് പിന്നിൽ വലിയ രാഷ്ട്രീയ ഗൂഢാലോചനയുണ്ടെന്നും സിപിഐഎം സംസ്ഥാന കമ്മിറ്റി അംഗം എൻ.എൻ കൃഷ്ണദാസ് ആരോപിച്ചു.

മുഖ്യമന്ത്രി പ്രധാനമന്ത്രിയുമായി കൂടിക്കാഴ്ച നടത്തിയതിന് തൊട്ടുപിന്നാലെയാണ് ഈ റെയ്ഡ് നടന്നിരിക്കുന്നത് എന്നതിൽ വലിയ ദുരൂഹതയുണ്ടെന്ന് എൻ.എൻ കൃഷ്ണദാസ് ചൂണ്ടിക്കാട്ടി. ഇഡി റെയ്ഡ് വാർത്ത പുറത്തുവന്നതിന് പിന്നാലെ മുഖ്യമന്ത്രിയുടെ പിണറായിലെ വീടിന് മുന്നിലേക്ക് നൂറുകണക്കിന് സി പി എം നേതാക്കളും പ്രവർത്തകരുമാണ് പ്രതിഷേധവുമായി ഒഴുകിയെത്തിയത്. കേന്ദ്ര സർക്കാരിനെതിരെയും അന്വേഷണ ഏജൻസികൾക്കെതിരെയും ശക്തമായ മുദ്രാവാക്യം വിളികളോടെയായിരുന്നു പ്രവർത്തകരുടെ പ്രതിഷേധം.

പ്രതിഷേധം കനത്തതോടെ പ്രവർത്തകർ പോലീസിന്റെ സുരക്ഷാ വലയം ഭേദിക്കാൻ ശ്രമിച്ചു. ഇത് സ്ഥലത്ത് വലിയ തോതിലുള്ള ഉന്തും തള്ളുമുണ്ടാകാൻ കാരണമായി. തുടർന്ന് സ്ഥലത്തുണ്ടായിരുന്ന മുതിർന്ന പാർട്ടി നേതാക്കൾ നേരിട്ടെത്തിയാണ് പ്രവർത്തകരെ ശാന്തരാക്കി പിടിച്ചുമാറ്റിയത്. അനിഷ്ട സംഭവങ്ങൾ ഒഴിവാക്കാൻ നിലവിൽ പിണറായിലെ വീടിന് ചുറ്റും വൻ പോലീസ് സന്നാഹത്തെയാണ് വിന്യസിച്ചിരിക്കുന്നത്.