രാവിലെ കുത്തനെ ഇടിഞ്ഞ് സ്വർണ്ണവില… വൈകിട്ട് രണ്ട് തവണയായി കുതിച്ച്…

കേരളത്തിലെ സ്വർണ്ണ വിപണിയിൽ ഇന്ന് കണ്ടത് മുമ്പെങ്ങുമില്ലാത്ത വിധത്തിലുള്ള വിലക്കയറ്റവും ഇറക്കവുമാണ്. രാവിലെ പവന് ഒരു ലക്ഷം രൂപയ്ക്ക് താഴെയെത്തി അമ്പരപ്പിച്ച സ്വർണ്ണവില, വൈകിട്ട് രണ്ട് തവണയായി വർദ്ധിച്ച് 1,05,080 രൂപ എന്ന നിലവാരത്തിലേക്ക് എത്തിയിരിക്കുകയാണ്. ഇന്ന് രാവിലെ ഗ്രാമിന് 940 രൂപ കുറഞ്ഞതോടെ പവൻ വില 99,480 രൂപയിലേക്ക് താഴ്ന്നിരുന്നു. കഴിഞ്ഞ ജനുവരി 4-ന് ശേഷമാണ് സ്വർണ്ണവില ആദ്യമായി ഒരു ലക്ഷത്തിന് താഴേക്ക് എത്തുന്നത്. ഒരു പവന് രാവിലെ മാത്രം 7,560 രൂപയുടെ കുറവാണ് രേഖപ്പെടുത്തിയത്.ഉച്ചയ്ക്ക് ശേഷം കുറഞ്ഞ വിലയിൽ അധികനേരം നിൽക്കാതെ സ്വർണ്ണം തിരിച്ചു കയറി. ഗ്രാമിന് 200 രൂപ വർദ്ധിച്ചതോടെ പവൻ വില 1,01,080 രൂപയായി മാറി. വൈകിട്ടോടെ വീണ്ടും ഗ്രാമിന് 500 രൂപ കൂടി. ഇതോടെ പവൻ വില 1,05,080 രൂപയിലേക്ക് കുതിച്ചു. 22 കാരറ്റ് സ്വർണ്ണം ഗ്രാമിന് 13,135 രൂപയാണ് നിലവിലെ നിരക്ക്. ഓൾ കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷൻ പുറത്തുവിട്ട കണക്കുകൾ പ്രകാരം, അന്താരാഷ്ട്ര വിപണിയിലെ അസ്ഥിരതയാണ് ഈ അപ്രതീക്ഷിത മാറ്റങ്ങൾക്ക് കാരണം