രാകേഷ് ശർമ്മയ്ക്ക് വിക്രം സാരാഭായ് വിജ്ഞാൻ പുരസ്കാരം; ഗവർണർ 24-ന് സമ്മാനിക്കും

കൊച്ചി ആസ്ഥാനമായി പ്രവർത്തിക്കുന്ന വിക്രം സാരാഭായ് സയൻസ് ഫൗണ്ടേഷൻ (VSSF) ഏർപ്പെടുത്തിയ ഈ വർഷത്തെ വിജ്ഞാൻ പുരസ്കാരത്തിന് പ്രശസ്ത ബഹിരാകാശ സഞ്ചാരി വിംഗ് കമാൻഡർ രാകേഷ് ശർമ്മ അർഹനായി. ഇന്ത്യയുടെ ആദ്യ ബഹിരാകാശ യാത്രികനായ അദ്ദേഹത്തിന്, ശാസ്ത്ര മേഖലയ്ക്ക് നൽകിയ സമഗ്ര സംഭാവനകൾ പരിഗണിച്ചാണ് ഈ ബഹുമതി നൽകുന്നത്.

കൊച്ചി ആസ്ഥാനമായ വിക്രം സാരാഭായ് സയൻസ് ഫൗണ്ടേഷൻ (വി.എസ്.എസ്.എഫ്) ആണ് പുരസ്കാരം ഏർപ്പെടുത്തിയത്. രണ്ട് ലക്ഷം രൂപ, പ്രശസ്തിപത്രം, ഫലകം എന്നിവ ഉൾപ്പെടുന്നതാണ് പുരസ്കാരം. ഡോ. ജി മാധവൻ നായർ (ഐഎസ്ആർഒ മുൻ ചെയർമാൻ), വി പി ജോയ് ഐ.എ.എസ് സംസ്ഥാന മുൻ ചീഫ് സെക്രട്ടറി എന്നിവർ അടങ്ങിയ നാലംഗ സമിതിയാണ് പുരസ്കാര ജേതാവിനെ തിരഞ്ഞെടുത്തത്. ഗവർണർ രാജേന്ദ്ര വിശ്വനാഥ് അർലേക്കർ മാർച്ച് 24ന് പെരുമ്പാവൂർ പ്രഗതി അക്കാദമിയിൽ നടക്കുന്ന ചടങ്ങിൽ പുരസ്കാരം സമ്മാനിക്കും.