ഇറാൻ ആക്രമണം…യു.എ.ഇയിൽ പരുക്കേറ്റവരുടെ എണ്ണം 68 ആയി; സൗദിയിൽ സുരക്ഷാ നില ഭദ്രം

ഇറാൻ ആക്രമണത്തിൽ യു.എ.ഇയിൽ 10 പേർക്ക് കൂടി പരുക്ക്. ഇതുവരെ പരുക്കേറ്റവരുടെ എണ്ണം 68 ആയി. ഇന്ന് 148 ഡ്രോൺ ആക്രമണങ്ങൾ നടന്നു. 9 ബാലിസ്റ്റിക് മിസൈലുകളും, 6 ക്രൂയിസ് മിസൈലുകളും യു.എ.ഇയിലെത്തി. ഇറാന്റെ രണ്ട് ഫൈറ്റർ ജെറ്റുകൾ വെടിവെച്ചിട്ടെന്ന് ഖത്തർ. ഏഴ് ബാലിസ്റ്റിക് മിസൈലുകൾ വീഴ്ത്തിയെന്നും അഞ്ച് ഡ്രോണുകൾ തടഞ്ഞെന്നും ഖത്തർ പ്രതിരോധ മന്ത്രാലയം അറിയിച്ചു.

സൗദിയിൽ സുരക്ഷാ നില ഭദ്രമാണെന്നും ആശങ്ക വേണ്ടെന്ന് ആഭ്യന്തര മന്ത്രാലയം അറിയിച്ചു. സുരക്ഷാ വിഭാഗങ്ങൾ 24 മണിക്കൂറും കർമ്മനിരതർ. ‌വ്യാജ സന്ദേശങ്ങളും വീഡിയോകളും പ്രചരിപ്പിക്കരുതെന്ന് കർശന നിർദേശം നൽകി. രാജ്യത്തെ എല്ലാ മേഖലകളിലും ദൈനംദിന പ്രവർത്തനങ്ങൾ പതിവുപോലെ നടക്കുന്നുണ്ട്. ജനജീവിതം സാധാരണ നിലയിലെന്ന് ആഭ്യന്തര മന്ത്രാലയം വ്യക്തമാക്കി.പൊതുജനങ്ങളുടെയും തീർഥാടകരുടെയും സുരക്ഷയ്ക്ക് മന്ത്രാലയം പ്രഥമ പരിഗണന നൽകുന്നത്. സത്യസന്ധമായ വിവരങ്ങൾ അറിയാൻ ഔദ്യോഗിക വാർത്താ ഏജൻസികളെ മാത്രം ആശ്രയിക്കാനും മന്ത്രാലയം നിർദേശം നൽകി.