പുഴയിൽ കുളിക്കുന്നതിനിടെ ഒഴുക്കിൽപ്പെട്ട സഹോദരനെയും സുഹൃത്തിനെയും രക്ഷിക്കാൻ ശ്രമം.. പുഴയിൽ മുങ്ങി 11 വയസ്സുകാരന്..

കുടുംബാംഗങ്ങളോടൊപ്പം പുഴയിൽ കുളിക്കാനിറങ്ങി ഒഴുക്കിൽപ്പെട്ട സഹോദരനെയും സുഹൃത്തിനെയും രക്ഷിക്കാൻ ശ്രമിക്കുന്നതിനിടെ അപകടം. വെള്ളത്തിൽ മുങ്ങിപ്പോയ നാലാംക്ലാസ് വിദ്യാർത്ഥി ആശുപത്രിയിൽ മരിച്ചു. കൂരാട് പനംപൊയിൽ മരുതത്ത് അബ്ദുൽ ഗഫൂറിന്റെ മകൻ 11 വയസ്സുകാരനായ അയ്മൻ ഗഫൂർ ആണ് മരിച്ചത്. ചൊവ്വാഴ്ച വൈകിട്ടാണ് ദാരുണമായ സംഭവം നടന്നത്. കൂരാട് പഴേടം പനംപൊയിൽ ജിഎൽപി സ്കൂളിലെ വിദ്യാർഥിയും സ്കൂൾ ലീഡറുമാണ് അയ്മൻ.

പഠനത്തിലും പാഠ്യേതര പ്രവർത്തനങ്ങളിലും മികവ് പുലർത്തിയിരുന്നു. ഉപജില്ല കലോത്സവത്തിൽ മലയാളം പ്രസംഗത്തിൽ ഒന്നാം സ്ഥാനം നേടിയിരുന്നു. ഇന്ന് സ്കൂളിൽ മൃതദേഹം പൊതുദർശനത്തിന് വയ്ക്കും. തുടർന്ന് വീട്ടിലെത്തിച്ച് കൂരാട് ജുമാ മസ്ജിദിൽ കബറടക്കും. വിദേശത്തായിരുന്നു പിതാവ് അബ്ദുൽ ഗഫൂർ ദുരന്ത വിവരമറിഞ്ഞ് നാട്ടിലെത്തി.