ബലാത്സംഗ കേസ്….റാപ്പർ വേടനെതിരെ കുറ്റപ്പത്രം സമർപ്പിച്ചു….കുറ്റപത്രത്തിൽ…..

റാപ്പർ വേടനെതിരെ ബലാത്സംഗ കേസിൽ കുറ്റപ്പത്രം സമർപ്പിച്ച് പ്രത്യേക അന്വേഷണ സംഘം. ബലാത്സംഗത്തിന് തെളിവുകൾ ഉണ്ടെന്നാണ് അന്വേഷണസംഘത്തിൻ്റെ കണ്ടെത്തൽ. ജൂലൈ 31നാണ് യുവ ഡോക്ടറുടെ പരാതിയിൽ തൃക്കാക്കര പോലീസ് കേസെടുത്തത്. കേസിൽ വേടന് മുൻ‌കൂർ ജാമ്യം കോടതി അനുവദിച്ചിരുന്നു .

യുവതിയുടെ പരാതിയിൽ 2021 നും 23നും ഇടയിലായി വേടൻ അഞ്ചുതവണ ബലാത്സംഗം ചെയ്തു എന്നതായിരുന്നു . മുപ്പതിനായിരം രൂപയും യുവതിയിൽ നിന്ന് കൈക്കലാക്കിയതായും പരാതിയിലുണ്ട്. എന്നാൽ ഇന്നലെ വേടനെതിരെ കഞ്ചാവ് കേസിൽ കുറ്റപത്രം സമർപ്പിച്ചിരുന്നു. തൃപ്പൂണിത്തുറ കോടതി ജുഡീഷ്യൽ ഫസ്റ്റ് ക്ലാസ്സ് മജിസ്‌ട്രേറ്റ് കോടതിയിലാണ് കുറ്റപത്രം സമർപ്പിച്ചത്. അഞ്ച് മാസത്തെ ഇടവേളയ്ക്ക് ശേഷമാണ് കേസിൽ കുറ്റപത്രം സമർപ്പിക്കുന്നത്.