ആലുവയിൽ വൻ തീപിടുത്തം…ഷോറൂം പൂർണമായി കത്തിനശിച്ചു….രണ്ടാം നിലയിൽ തീപടർന്ന് പിടിച്ചിരി……

ആലുവ തോട്ടുമുക്കത്തെ ഇലക്ട്രോണിക് ഷോപ്പിൽ വൻ തീപിടുത്തം.ഐ ബെല്ലിന്റെ ഷോറൂമിന്റെ മുകളിലത്തെ നിലയിലാണ് തീപിടുത്തം ഉണ്ടായത്. ഷോറൂം പൂർണമായി കത്തിനശിച്ചിട്ടുണ്ട്. തീയണയ്ക്കാൻ ഫയർഫോഴ്‌സ് ശ്രമിക്കുന്നുണ്ട്. ഞായറാഴ്ച ആയതിനാൽജീവനക്കരാരും കടയിലില്ല.

ഐ ബെല്ലിന്റെ ഗോഡൗണിനാണ് തീപിടിച്ചിരിക്കുന്നത്. തീപടർന്ന് പിടിച്ചതെങ്ങനെയെന്നതിൽ വ്യക്തതയില്ല. ഉച്ച കഴിഞ്ഞ് 3.30ഓടെയാണ് കടയ്ക്ക് തീപിടിച്ചത്. അകത്തേക്ക് കയറുകയെന്നത് ശ്രമകരമാണ്. രണ്ടാം നിലയിൽ തീപടർന്ന് പിടിച്ചിരിക്കുകയാണ്. ഉടമസ്ഥൻ സ്ഥലത്തെത്തിയിട്ടുണ്ട്.

രണ്ട് യൂണീറ്റ് ഫയർഫോഴ്‌സ് സ്ഥലത്തെത്തിയിട്ടുണ്ട്. കൂടുതൽ യൂണീറ്റ് സ്ഥലത്തേക്ക് പുറപ്പെട്ടിട്ടുണ്ട്. റോഡിലേക്ക് ഗ്ലാസുകളും മറ്റും പൊട്ടി തെറിച്ച് വീഴുന്നുണ്ട്.