പിണറായി വിജയനെ വിമാനത്തില് വെച്ച് വധിക്കാന് ശ്രമിച്ച കേസ്…. ഗുരുതര വകുപ്പ് ഒഴിവാക്കി പൊലീസ്
തിരുവനന്തപുരം: മുന് മുഖ്യമന്ത്രി പിണറായി വിജയനെ വിമാനത്തില് വെച്ച് വധിക്കാന് ശ്രമിച്ചെന്ന കേസിലെ ഗുരുതര വകുപ്പ് ഒഴിവാക്കി പൊലീസ്. വ്യോമയാന നിയമത്തിലെ വകുപ്പാണ് ഒഴിവാക്കിയത്. ഇത് ഒഴിവാക്കിയുള്ള അന്തിമ റിപ്പോര്ട്ട് തിരുവനന്തപുരം പ്രിന്സിപ്പല് സെഷന്സ് കോടതിയില് സമര്പ്പിച്ചു. സംഭവം നടന്ന് നാല് വര്ഷത്തിന് ശേഷമാണ് കേസില് റിപ്പോര്ട്ട് നല്കിയത്.
ഫര്സീന് മജീദ്, നവീന്, സുധീപ് ജയിംസ്, കെ എസ് ശബരീനാഥന് എന്നിവരാണ് കേസിലെ പ്രതികള്. വധശ്രമം, ഗൂഢാലോചന എന്നിവ നിലനിര്ത്തിയിട്ടുണ്ട്. കേന്ദ്രം എതിര്ത്തിട്ടും സംസ്ഥാനം ചുമത്തിയ വകുപ്പാണ് ഇപ്പോള് ഒഴിവാക്കിയിരിക്കുന്നത്. വലിയതുറ പൊലീസാണ് റിപ്പോര്ട്ട് സമര്പ്പിച്ചത്.
