വിരാട് കോലിയുടെ വമ്പൻ റെക്കോർഡിനൊപ്പമെത്തി സഞ്ജു സാംസൺ
വെസ്റ്റ് ഇൻഡീസിനെതിരായ രണ്ടാം ടി20 പോരാട്ടത്തിൽ വെടിക്കെട്ട് അർധസെഞ്ചുറിയുമായി മലയാളി താരം സഞ്ജു സാംസൺ. വെറും 21 പന്തുകളിൽ നിന്ന് അര്‍ധസെഞ്ചുറി തികച്ച സഞ്ജു, വിൻഡീസിനെതിരെ ടി20യിൽ ഏറ്റവും വേഗത്തിൽ അർധസെഞ്ചുറി നേടുന്ന ഇന്ത്യൻ താരമെന്ന വിരാട് കോലിയുടെ റെക്കോർഡിനൊപ്പമെത്തി.
റാഞ്ചിയിലെ ജെഎസ്‌സിഎ സ്റ്റേഡിയത്തിൽ നടക്കുന്ന മത്സരത്തിൽ ഓപ്പണറായി ഇറങ്ങിയ സഞ്ജു, ആറ് ഫോറുകളും മൂന്ന് സിക്സറുകളും അടക്കമാണ് 21 പന്തിൽ അര്‍ധസെഞ്ചുറി പൂർത്തിയാക്കിയത്. 2019 ഡിസംബർ 11-ന് മുംബൈയിൽ വെസ്റ്റ് ഇൻഡീസിനെതിരെ നടന്ന ടി20 മത്സരത്തിലായിരുന്നു വിരാട് കോലി 21 പന്തിൽ നിന്ന് അർധസെഞ്ചുറി നേടി റെക്കോർഡിട്ടത്. ആദ്യ മത്സരത്തിൽ തിളങ്ങാൻ സാധിക്കാതിരുന്ന സഞ്ജു, രണ്ടാം പോരാട്ടത്തിൽ തുടക്കം മുതല്‍ തകര്‍ത്തടിച്ചാണ് അര്‍ധസെഞ്ചുറിയിലെത്തിയയത്. 41 പന്തില്‍ 200 സ്ട്രൈക്ക് റേറ്റില്‍ 9 ഫോറും നാല് പടുകൂറ്റൻ സിക്സം പറത്തിയ സഞ്ജു സെഞ്ചുറി തികയ്ക്കാതെ മടങ്ങിയത് നിരാശയായി.
