ആലുവ നഗര മധ്യത്തിൽ കവർച്ച.. റെയില്വേ സ്റ്റേഷനിലേക്ക് പോയ യുവാവിനെ മര്ദ്ദിച്ച് സ്വര്ണവും പണവും കവര്ന്നു..
ആലുവ: ആലുവ നഗരമധ്യത്തില് യുവാവിനെ മര്ദ്ദിച്ച് സ്വര്ണവും പണവും കവര്ന്നു. കോടനാട് സ്വദേശി ജോഫിനാണ് ക്രൂരമായ മര്ദ്ദനത്തിനിരയായത്. ഇന്നലെ പുലര്ച്ചെ റെയില്വെ സ്റ്റേഷനിലേക്ക് നടന്നു പോകവെയായിരുന്നു ആക്രമണം. കെഎസ്ആര്ടിസി ബസിൽ ആലുവ ബാങ്ക് ജംഗ്ഷനില് വന്നിറങ്ങിയ ശേഷം കോഴിക്കോടേക്ക് പോകുവാനായി റെയില്വേ സ്റ്റേഷനിലേക്ക് പോകുകയായിരുന്നു ജോഫിന്.
എന്നാല് റെയില്വെ സ്റ്റേഷനിലേക്ക് പോകുവാനുള്ള വഴി കൃത്യമായി അറിയാത്തതിനാല് ഇയാള് ഗൂഗിള് മാപ്പിന്റെ സഹായത്തോടെ ഗുഡ്ഷെഡ് ഭാഗം വഴി നടന്നു പോവുകയായിരുന്നു. ആ സമയം അവിടെ ഉണ്ടായിരുന്ന അക്രമികള് ഇയാളെ പിടിച്ച് വെക്കുകയും ചോദ്യം ചെയ്യുകയും ചെയ്തു. അതിന് ശേഷം ഇയാളെ ക്രൂരമായി സംഘം ചേര്ന്ന് മർദ്ദിച്ചുവെന്നാണ് പരാതി. മർദ്ദിച്ച് അവശനാക്കി കനാലിലിട്ടുവെന്നും പരാതിയിലുണ്ട്.
