ആന്റോ അഗസ്റ്റിന് വീണ്ടും നോട്ടീസ്….
കൊച്ചി: മുഖ്യമന്ത്രിക്കെതിരായ വ്യാജ വിവാഹ ആരോപണത്തില് റിപ്പോര്ട്ടര് ടിവി മാനേജിങ്ങ് എഡിറ്റര് ആന്റോ അഗസ്റ്റിന് വീണ്ടും നോട്ടീസ്. നാളെ ചോദ്യം ചെയ്യലിന് ഹാജരാവാന് പൊലീസ് നിര്ദേശം. ഒക്ടോബര് 15ന് ശേഷം ഹാജരാവാന് അവസരം നല്കണമെന്ന ആന്റോ അഗസ്റ്റിന്റെ ആവശ്യം പൊലീസ് തള്ളി.
നാളെ ഹാജരായില്ലെങ്കില് കോടതിയില് റിപ്പോര്ട്ട് നല്കും. രണ്ടാം തവണയാണ് ഈ കേസില് ആന്റോ അഗസ്റ്റിന് നോട്ടീസ് നല്കുന്നത്. കേസില് ആന്റോ അഗസ്റ്റിന്റെ മുന്കൂര് ജാമ്യ അപേക്ഷ കോടതി തീര്പ്പാക്കിയിട്ടുണ്ട്. കഴിഞ്ഞ തിങ്കളാഴ്ച ഹാജരാകാന് ആവശ്യപ്പെട്ടെങ്കിലും മുന്കൂര് ജാമ്യാപേക്ഷയടക്കം കോടതിയിലിരിക്കുന്ന പശ്ചാത്തലത്തില് ആന്റോ അഗസ്റ്റിന് ഹാജരായിരുന്നില്ല. ഇന്നലെ വൈകിട്ടോടെ വീണ്ടും നോട്ടീസ് നല്കുകയായിരുന്നു.
