നെട്ടയം സംഘർഷം: വട്ടിയൂർക്കാവ് എസ് എച്ച് ഒ മെഡിക്കൽ അവധിയിൽ പ്രവേശിച്ചു

തിരുവനന്തപുരം : വട്ടിയൂർക്കാവ് നെട്ടയത്ത് ബിജെപി-സിപിഎം പ്രവർത്തകർ തമ്മിലുണ്ടായ സംഘർഷവുമായി ബന്ധപ്പെട്ട് ബിജെപി പ്രതിഷേധം കനപ്പിച്ചതിന് പിന്നാലെ വട്ടിയൂർക്കാവ് എസ് എച്ച് ഒ വിപിൻ മെഡിക്കൽ ലീവിൽ പ്രവേശിച്ചു. ബിജെപിയും നാട്ടുകാരും തമ്മിലുള്ള സംഘർഷത്തിനിടെ എസ് എച്ച് ഒക്കും പരിക്കേറ്റിരുന്നു. എസ് എച്ച് ഒക്കെതിരെ നടപടി ആവശ്യപ്പെട്ട് ബിജെപി സമരം നടത്തുന്നതിനിടെയാണ് അവധിയിൽ പ്രവേശിച്ചത്.