നേതൃമാറ്റമില്ലെന്ന സൂചനയുമായി എംവി ഗോവിന്ദൻ…
തിരുവനന്തപുരം: തന്നെയും പ്രതിപക്ഷ നേതാവ് പിണറായി വിജയനെയും മാറ്റണമെന്ന് ആഗ്രഹിക്കുന്നവരുണ്ടെന്നും അത് നടക്കില്ലെന്നും സിപിഐഎം സംസ്ഥാന സെക്രട്ടറി എം വി ഗോവിന്ദന്. തന്നെയും പിണറായിയെയും മാറ്റിയിട്ട് വേറെ ആരെ വെക്കുമെന്ന് എം വി ഗോവിന്ദന് ചോദിച്ചു. തിരുവനന്തപുരം മേഖല റിപ്പോര്ട്ടിങ്ങിലാണ് എം വി ഗോവിന്ദന്റെ പരാമര്ശം.
സെക്രട്ടറിയറ്റ് പുന:സംഘടിപ്പിക്കുമെന്നതും ആലോചനയില് ഇല്ലെന്ന് എം വി ഗോവിന്ദന് പറഞ്ഞു. സംസ്ഥാന കമ്മിറ്റി അഴിച്ചുപണിയുമെന്ന പ്രചാരണവും തെറ്റാണ്. നേതാക്കളില് കുറ്റം ചാര്ത്തി സ്ഥാനങ്ങളില് നിന്ന് മാറ്റുന്നത് സിപിഐഎം രീതിയല്ലെന്നും അദ്ദേഹം വ്യക്തമാക്കി.
