കാലടി കോളേജ് യൂണിയൻ ഉദ്ഘാടന പരിപാടിയിൽ നിന്ന് പിന്മാറി മന്ത്രി…

കൊച്ചി: കാലടി മറ്റൂർ ശ്രീശങ്കരാചാര്യ ആർട്സ് കോളേജ് യൂണിയൻ ഉദ്ഘാടന പരിപാടിയിൽ നിന്ന് പിന്മാറി മന്ത്രി റോജി എം. ജോൺ. പ്രതിഷേധം ഭയന്നാണ് മന്ത്രി പരിപാടിയിൽ നിന്ന് പിൻമാറിയതെന്ന് എസ്എഫ്ഐ ആരോപിച്ചു. ചോദ്യങ്ങളെ ഭയക്കുന്ന മന്ത്രിയാണ് റോജി എം. ജോണെന്നും എസ്എഫ്ഐ വിമർശിച്ചു. യൂണിയൻ ഉദ്ഘാടന ചടങ്ങിൽ മുഖ്യാതിഥിയായാണ് മന്ത്രി റോജി എം. ജോണിനെ നിശ്ചയിച്ചിരുന്നത്. നടൻ ചന്തു സലിംകുമാറായിരുന്നു യൂണിയൻ ഉദ്ഘാടകൻ.
കാലടി സർവകലാശാലയിലെ വിദ്യാർഥികളുടെ സസ്പെൻഷൻ വിഷയം ഉന്നയിച്ച് മന്ത്രിക്കെതിരെ പ്രതിഷേധിക്കാൻ എസ്എഫ്ഐ തീരുമാനിച്ചിരുന്നു. ബാനറുകളും ഫ്ലക്സുകളും പ്ലക്കാർഡുകളും ഉയർത്തി പ്രതിഷേധം സംഘടിപ്പിക്കാനായിരുന്നു നീക്കം. ഇതിന് പിന്നാലെയാണ് മന്ത്രി പരിപാടിയിൽ പങ്കെടുക്കുന്നില്ലെന്ന് മന്ത്രിയുടെ ഓഫീസ് അറിയിച്ചത്. അതേസമയം, ഫ്ലക്സുകളിൽ മന്ത്രിയുടെ ചിത്രം ഉൾപ്പെടുത്താൻ മാത്രമാണ് അനുമതി നൽകിയിരുന്നതെന്നും മന്ത്രിയുടെ ഓഫീസ് വിശദീകരിച്ചു. ചിത്രം ഉപയോഗിക്കുന്നതിന് അനുവാദം നൽകിയിരുന്നുവെന്നും ഓഫീസ് വ്യക്തമാക്കി. മന്ത്രിയുടെ പിന്മാറ്റത്തിന് പിന്നിലെ കാരണം പ്രതിഷേധമാണെന്നാണ് എസ്എഫ്ഐയുടെ ആരോപണം. എന്നാൽ മന്ത്രിയുടെ ഓഫീസ് പരിപാടിയിൽ പങ്കെടുക്കില്ലെന്ന വിവരം മാത്രമാണ് അറിയിച്ചത്.


