ഹേമ കമ്മിറ്റി റിപ്പോര്ട്ട്… അന്വേഷണം പുനരാരംഭിക്കാന് ശ്വേത സര്ക്കാരിനോട് അവശ്യപ്പെടുമോ.വിനയന്…
കൊച്ചി: താര സംഘടനയിലെ തര്ക്കത്തിനിടെ ഹേമ കമ്മിറ്റി റിപ്പോര്ട്ടിനെ കുറിച്ചുള്ള ശ്വേതാ മോനോന്റെ പരാമര്ശത്തില് പ്രതികരണവുമായി സംവിധായകന് വിനയന് രംഗത്ത്. അമ്മയിലെ പവര് ഗ്രൂപ്പിനെതിരെ ശ്വേത ആത്മാര്ത്ഥമായി നില കൊള്ളുമോ എന്നാണ് വിനയന് ചോദിച്ചത്. നാളിതുവരെ ഹേമ കമ്മിറ്റി റിപ്പോര്ട്ടിനെ അമ്മയിലെ ആരും പിന്തുണച്ച് കണ്ടിട്ടില്ലെന്നും അദ്ദേഹം ചൂണ്ടിക്കാട്ടി.
റിപ്പോര്ട്ടിലെ നടപടികളൊക്കെ അമ്മയിലെ ആളുകള് തന്നെ ഇടപെട്ട് തടഞ്ഞില്ലേ എന്നും ശ്വേതയോട് വിനയന്റെ ചോദ്യമുണ്ടായി. അന്വേഷണം പുനരാരംഭിക്കാന് സര്ക്കാരിനോട് അവശ്യപ്പെടുമോ എന്ന് ചോദിച്ച അദ്ദേഹം തന്നെയും തിലകനെയുമെല്ലാം വിലക്കിയത് ഇതേ പവര് ഗ്രൂപ്പ് ആണെന്നും വ്യക്തമാക്കി. ഹേമാ കമ്മറ്റി റിപ്പോര്ട്ടിലെ 141 മുതല് 144 വരെ പേജില് അക്കാര്യമുണ്ടെന്നും വിനയന് പറഞ്ഞു.
