ഫാ. മൈക്കിള് പനച്ചിക്കല് അന്തരിച്ചു…
കോട്ടയം: പ്രശസ്ത ധ്യാനഗുരുവും മലയാള ക്രൈസ്തവ ഭക്തിഗാന രംഗത്ത് അതുല്യ സംഭാവനകള് നല്കിയ രചയിതാവുമായ ഫാ. മൈക്കിള് പനച്ചിക്കല് വിസി (77) അന്തരിച്ചു. കോട്ടയം അടിച്ചിറയിലെ ധ്യാനകേന്ദ്രത്തിലായിരുന്നു അന്ത്യം.
വിന്സെന്ഷ്യന് സഭ സെന്റ് ജോസഫ് പ്രോവിന്സ് അംഗവും വചനപ്രഘോഷകനും സാഹിത്യകാരനും മാധ്യമപ്രവര്ത്തകനുമായിരുന്നു. 1974 ഡിസംബര് 19ന് വൈദികനായ ഫാ. മൈക്കിള് പനച്ചിക്കല്, അഞ്ച് പതിറ്റാണ്ടിലേറെ നീണ്ട പൗരോഹിത്യജീവിതത്തിലൂടെ ഇന്ത്യയിലും വിദേശത്തുമായി ആത്മീയ നവോത്ഥാന രംഗത്തു പ്രവര്ത്തിച്ചു.
