10 കോടിയുടെ എംഡിഎംഎ വേട്ടയിൽ വൻ വഴിത്തിരിവ്… അന്താരാഷ്ട്ര ലഹരി ശൃംഖലയിലെ…

തിരുവനന്തപുരം: മലപ്പുറത്ത് 10 കോടിയോളം രൂപ വിലമതിക്കുന്ന എംഡിഎംഎ പിടികൂടിയ കേസിൽ നിർണായക നീക്കവുമായി കേരള പൊലീസ്. ‘ഓപ്പറേഷൻ തൂഫാൻ’ന്റെ ഭാഗമായി നടത്തിയ അന്വേഷണത്തിൽ അന്താരാഷ്ട്ര മയക്കുമരുന്ന് മാഫിയ സംഘത്തിലെ നാല് പേരെ ഉത്തരേന്ത്യയിൽ നിന്ന് പിടികൂടി.

മലപ്പുറം എസ്.പിയുടെ നേതൃത്വത്തിലുള്ള പ്രത്യേക അന്വേഷണ സംഘമാണ് പ്രതികളെ പിടികൂടിയത്. ലഹരിക്കടത്തിന്റെ മുഖ്യ ഉറവിടത്തിലേക്ക് അന്വേഷണം എത്തിക്കാൻ സംഘത്തിന് കഴിഞ്ഞതായി പൊലീസ് അറിയിച്ചു. അന്താരാഷ്ട്ര മയക്കുമരുന്ന് ശൃംഖലയിലെ പ്രധാന കണ്ണിയെന്ന് പൊലീസ് തിരിച്ചറിഞ്ഞ ഹാരിസ് ഉൾപ്പെടെയുള്ളവരാണ് പിടിയിലായത്. മലപ്പുറത്ത് പിടികൂടിയ വൻ ലഹരിക്കടത്തിന് പിന്നിലെ കൂടുതൽ ബന്ധങ്ങളും ഇടപാടുകളും കണ്ടെത്തുന്നതിനായി അന്വേഷണം തുടരുകയാണ്. പിടിയിലായവരിൽ നിന്ന് ലഭിക്കുന്ന വിവരങ്ങളുടെ അടിസ്ഥാനത്തിൽ മയക്കുമരുന്ന് ശൃംഖലയിലെ കൂടുതൽ കണ്ണികളെ കണ്ടെത്താനുള്ള നീക്കത്തിലാണ് അന്വേഷണ സംഘം. കേസിൽ കൂടുതൽ അറസ്റ്റുകൾ ഉണ്ടാകുമോയെന്നതും പൊലീസ് പരിശോധിച്ചുവരികയാണ്.