ശുചിമുറിയിലേക്ക് കയറുന്നതിനിടെ പാറ അടര്ന്നുവീണു; 50കാരിക്ക്…
തിരുവനന്തപുരം: പാറശാലയില് പാറ അടര്ന്ന് ദേഹത്തേക്ക് വീണ് 50 വയസുകാരിക്ക് ഗുരുതര പരിക്ക്. വീടിനോട് ചേര്ന്നുള്ള പാറയാണ് അടര്ന്ന് ദേഹത്തേക്ക് വീണത്. പാറശ്ശാശ സ്വദേശിയായി രാജകുമാരിക്കാണ് പരിക്കേറ്റത്.
പുലര്ച്ചെ അഞ്ചരയോടെ വീടിനു പുറത്തുള്ള ശുചിമുറിയില് കയറുന്നതിനിടയില് പാറ മുകളില് നിന്നും അടര്ന്നു വീഴുകയായിരുന്നു. ഓടി രക്ഷപ്പെടാന് ശ്രമിച്ചെങ്കിലും പാറയുടെ ഇടയില് പെട്ടു. ഫയര്ഫോഴ്സ് സ്ഥലത്തെത്തിയാണ് ഇവരെ പുറത്തെത്തിച്ചത്. രാജകുമാരിയെ പാറശ്ശാല ആശുപത്രിയിലേക്ക് മാറ്റിയിട്ടുണ്ട്.
