ആരോഗ്യവകുപ്പിലെ നിയമനം വിവാദത്തിൽ…. ബിജെപി നേതാവിനെ പിരിച്ചുവിടാൻ മന്ത്രിയുടെ നിർദേശം

തിരുവനന്തപുരം: ആരോഗ്യവകുപ്പിന് കീഴിലുള്ള സിമെറ്റിൽ ബിജെപി നേതാവിനെ നിയമിച്ച നടപടി വിവാദമായതിന് പിന്നാലെ ഇടപെട്ട് ആരോഗ്യ മന്ത്രി കെ. മുരളീധരൻ. സിമെറ്റിലെ സീനിയർ സൂപ്രണ്ട് രതീഷ് ആർ. നായരെ പിരിച്ചുവിടാൻ മന്ത്രി നിർദേശം നൽകി. എൻജിഒ സംഘിന്റെ സംസ്ഥാന കമ്മിറ്റി അംഗമായിരുന്ന രതീഷ് ആർ. നായരെ സിമെറ്റിൽ സീനിയർ സൂപ്രണ്ടായി നിയമിച്ചതാണ് വിവാദമായത്. നിയമനവുമായി ബന്ധപ്പെട്ട് ബിജെപി ബന്ധം ചർച്ചയായതോടെയാണ് മന്ത്രിയുടെ ഇടപെടൽ. രതീഷ് ആർ. നായരുടെ രാഷ്ട്രീയ ബന്ധം സംബന്ധിച്ച ആരോപണങ്ങളും നിയമന നടപടിക്രമങ്ങളും സംബന്ധിച്ച് വിവാദം ഉയർന്നതോടെയാണ് ആരോഗ്യവകുപ്പ് നടപടി സ്വീകരിക്കുന്നത്. പിരിച്ചുവിടൽ സംബന്ധിച്ച തുടർനടപടികൾ ബന്ധപ്പെട്ട അധികൃതർ സ്വീകരിക്കും.