വിജയ് അടുത്ത പ്രധാനമന്ത്രിയെന്ന ടിവികെ നിലപാടിനെതിരെ തമിഴ്നാട് കോണ്ഗ്രസ്…
തമിഴ്നാട് മുഖ്യമന്ത്രി സി ജോസഫ് വിജയെ പ്രധാനമന്ത്രി സ്ഥാനാര്ഥിയാക്കി ഉയര്ത്തികാട്ടിയുള്ള പ്രചാരണത്തില് കടുത്ത അതൃപ്തിയുമായി കോണ്ഗ്രസ്. രാഹുല് ഗാന്ധിയെ മാത്രമെ പ്രധാനമന്ത്രി സ്ഥാനാര്ഥിയായി അംഗീകരിക്കുവെന്നാണ് കോണ്ഗ്രസ് നിലപാട്. ടിവികെ നിലപാട് മാറ്റിയില്ലെങ്കില് കോണ്ഗ്രസ് മന്ത്രിമാര് രാജിവെക്കുമെന്നാണ് ഭീഷണി.
അടുത്തിടെ നിയമസഭയില് മന്ത്രി ഡി ശരത്കുമാറാണ് സി ജോസഫ് വിജയ് പ്രധാനമന്ത്രിയാകണമെന്ന് ആവശ്യപ്പെട്ടത്. പിന്നാലെ ടിവികെയിലെ മുതിര്ന്ന മന്ത്രിമാര് ഉള്പ്പെടെ ഇക്കാര്യം വിവിധ വേദികളില് പറഞ്ഞു. തൂത്തുക്കുടിയില് 2029ലെ പ്രധാനമന്ത്രി സ്ഥാനാര്ഥി സി ജോസഫ് വിജയ് എന്നുള്ള പോസ്റ്ററുകളും പ്രത്യക്ഷപ്പെട്ടു. അടുത്തിടെ പുറത്തുവന്ന പ്രധാനമന്ത്രി സ്ഥാനാര്ഥിയ്ക്കുള്ള മാധ്യമസര്വെയില് പ്രധാനമന്ത്രി നരേന്ദ്രമോദി, രാഹുല്ഗാന്ധി എന്നിവര്ക്ക് പിന്നാലെ മൂന്നാം സ്ഥാനത്ത് സി ജോസഫ് വിജയ് ഇടം പിടിച്ചു. ഒന്പത് ശതമാനം പേരാണ് ജോസഫ് വിജയെ പ്രധാനമന്ത്രി സ്ഥാനാര്ഥിയായി അംഗീകരിച്ചത്.
