ഗൾഫ് മേഖലയിൽ വീണ്ടും യുദ്ധഭീതി
ഹോര്മുസ് കടലിടുക്കിലെ ഇറാന്റെ ലാറക് ദ്വീപില് അമേരിക്കയുടെ മിന്നലാക്രമണം. ഇതിന് പിന്നാലെ ജോര്ദാനിലെ രണ്ട് യുഎസ് വ്യോമതാവളങ്ങള് ആക്രമിച്ച് ഇറാനും തിരിച്ചടിച്ചു. ആറുമാസമായി തുടരുന്ന യുഎസ്-ഇറാന് സംഘര്ഷം കൂടുതല് രൂക്ഷമായതോടെ രാജ്യാന്തര വിപണിയില് എണ്ണവില രണ്ട് ശതമാനത്തിലധികം വര്ധിച്ചു. ബ്രെന്റ് ക്രൂഡ് ഫ്യൂച്ചേഴ്സ് ബാരലിന് 2.21 ഡോളര് (2.51%) ഉയര്ന്ന് 90.31 ഡോളറിലെത്തി. യുഎസ് വെസ്റ്റ് ടെക്സസ് ഇന്റര്മീഡിയറ്റ് ക്രൂഡ് വില 1.83 ഡോളര് (2.19%) വര്ധിച്ച് 85.23 ഡോളറിലുമാണ് വ്യാപാരം നടക്കുന്നത്.
