ബൈക്കും കാറും കൂട്ടിയിടിച്ച് ദമ്പതികൾക്ക് ദാരുണാന്ത്യം

മലപ്പുറം കാവനൂരിൽ വാഹനാപകടത്തിൽ ദമ്പതികൾക്ക് ദാരുണാന്ത്യം. വാഴക്കാട് സ്വദേശികളായ അബ്ദുൽ അസീസ്, ഭാര്യ സൗദാബീവി എന്നിവരാണ് മരിച്ചത്. ചെരങ്ങാകുണ്ട് പെട്രോൾ പമ്പിന് സമീപം ഉച്ചയോടെയായിരുന്നു അപകടം ഉണ്ടായത്. ഇവരും സഞ്ചരിച്ച സ്കൂട്ടറിന് പിറകിൽ കാർ വന്നിടിക്കുകയായിരുന്നു. ഇടിയുടെ ആഘാതത്തിൽ രണ്ട് പേരും റോഡിലേക്ക് തെറിച്ചു വീണു. ദേഹത്തിലൂടെ കാർ കയറി ഇറങ്ങിയതോടെ ഗുരുതരമായി പരിക്കേറ്റു. അസീസ് ചികിത്സയിലിരിക്കെ മഞ്ചേരി മെഡിക്കൽ കോളേജിൽ വെച്ചും ഭാര്യ സൗദാബിവി കോഴിക്കോട് മെഡിക്കൽ കോളേജിൽ വെച്ചും മരിച്ചു. സംഭവത്തിൽ കാർ ഡ്രൈവറെ പ്രതിയാക്കി അരീക്കോട് പൊലീസ് കേസെടുത്തു. അശ്രദ്ധമായും അപകടം വരുത്തുംവിധം വാഹനം ഓടിച്ചു എന്നുമാണ് കുറ്റങ്ങൾ.