പൂച്ച ഇപ്പോഴും മെട്രോ തൂണിലുണ്ട്; ദൗത്യം തത്ക്കാലത്തേക്ക് നിർത്തിവച്ചു, പതിനൊന്നരയ്ക്ക് ശേഷം  വീണ്ടും തുടരും 

കൊച്ചി മെട്രോ തൂണിന് മുകളിൽ കുടുങ്ങിയ പൂച്ചയെ രക്ഷിക്കാനുള്ള ശ്രമം തൽക്കാലത്തേക്ക് നിർത്തിവച്ചു. പൂച്ച തൂണിന് മുകളിൽ ഉണ്ടെന്ന് സ്ഥിരീകരിച്ച് ഫയർഫോഴ്സ് ഉദ്യോഗസ്ഥർ തൂണിനു മുകളിൽ കയറിയെങ്കിലും പൂച്ച പിടികൊടുത്തില്ല. പൂച്ചയ്ക്ക് കഴിക്കാൻ ഭക്ഷണം തൂണിന് മുകളിൽ എത്തിച്ച ഫയർഫോഴ്സ് ഉദ്യോഗസ്ഥർ രാത്രി പതിനൊന്നരയ്ക്ക് മെട്രോ സർവീസ് അവസാനിച്ചശേഷം വീണ്ടും പൂച്ചയെ താഴെ ഇറക്കാനുള്ള ദൗത്യം തുടങ്ങും. 10 മിനിറ്റ് നേരത്തോളം പൂച്ച ദൗത്യത്തിനിടെ കൊച്ചി മെട്രോ സർവീസ് നിർത്തിവച്ചിരുന്നു.