മകരവിളക്ക് ദിവസം പമ്പയില് ഷൂട്ടിങ്, സംവിധായകന് അനുരാജ് മനോഹറിന് നോട്ടീസ്
മകരവിളക്ക് ദിവസം ശബരിമല പരിസരത്ത് അനുമതിയില്ലാതെ സിനിമ ചിത്രീകരിച്ച സംഭവത്തില് സംവിധായകന് അനുരാജ് മനോഹറിന് നോട്ടീസ്. വനം വകുപ്പാണ് നോട്ടീസ് നല്കിയത്. പ്ലാപ്പള്ളി ഫോറസ്റ്റ് സ്റ്റേഷനില് ഹാജരാകണം എന്നാണ് നിര്ദ്ദേശം.
അനുമതിയില്ലാതെ പമ്പ പ്രദേശങ്ങളില് മകരവിളക്ക് ദിവസം സിനിമ ചിത്രീകരിച്ചെന്ന പരാതിയില് നേരത്തെ വനം വകുപ്പ് കേസെയുത്തുത്തിയിരുന്നു. വനത്തില് അതിക്രമിച്ചു കയറിയെന്നുള്പ്പെടെയുള്ള വകുപ്പുകള് പ്രകാരമാണ് നടപടി. റാന്നി ഡിവിഷന് പരിധിയിലാണ് കേസ് രജിസ്റ്റര് ചെയ്തിരിക്കുന്നത്. പമ്പാ നദിയ്ക്ക് അപ്പുറം പെരിയാര് കടുവ സങ്കേതത്തിന്റെ ഭാഗത്താണോ ഷൂട്ടിങ് നടത്തിയതെന്നും നാശനഷ്ടങ്ങളുണ്ടായിട്ടുണ്ടോ എന്നുള്പ്പെടെ പരിശോധിക്കുമെന്നും വനം വകുപ്പ് അറിയിച്ചിരുന്നു.
