ശ്രേയസ് അയ്യരിന്റെ ശസ്ത്രക്രിയ പൂർത്തിയായി.. താരം…

ഇന്ത്യൻ ക്രിക്കറ്റർ ശ്രേയസ് അയ്യരുടെ കാര്യത്തിൽ ആശ്വാസകരമായ വാർത്ത. ശസ്ത്രക്രിയയ്ക്ക് വിധേയനായ താരം പൂർണ്ണമായും സുഖം പ്രാപിച്ച് വരികയാണെന്ന് പുതിയ റിപ്പോർട്ട്. നേരത്തെ, ശ്രേയസിനെ ഐസിയുവിൽ നിന്ന് മാറ്റിയിരുന്നു. ഓസീസിനെതിരെ മൂന്നാം ഏകദിനത്തിൽ ക്യാച്ച് എടുക്കുന്നതിനിടെ പരിക്കേറ്റതിനെ തുടർന്നാണ് ശസ്ത്രക്രിയ ആവശ്യമായി വന്നത്. ക്യാച്ച് പൂർത്തിയാക്കാൻ മുന്നോട്ട് ഡൈവ് ചെയ്യുന്നതിനിടെ, വീണപ്പോഴാണ് ശ്രേയസിന് പരിക്കേൽക്കുന്നത്.

ചെറിയ ശസ്ത്രക്രിയ മാത്രമായിരുന്നു താരത്തിന് വേണ്ടിയിരുന്നത്. പക്ഷേ അയ്യർക്ക് കുറഞ്ഞത് അഞ്ച് ദിവസമെങ്കിലും, ഒരുപക്ഷേ ഒരു ആഴ്ച വരെ വിശ്രമം വേണ്ടിവരും. ബിസിസിഐ അദ്ദേഹത്തിന്റെ അവസ്ഥ സൂക്ഷ്മമായി നിരീക്ഷിച്ചുവരികയാണ്. ഇന്ന് മുതൽ, പതിവ് ജോലികൾ പോലും സ്വന്തമായി ചെയ്യുന്നുണ്ടെന്നും ഇന്ത്യൻ ടി20 ക്യാപ്റ്റൻ സൂര്യകുമാർ യാദവ് വ്യക്തമാക്കിയിരുന്നു.